«قازاقستان ەنتسيكلوپەدياسى» ۆەب-پورتالى اشىلادى

كەشە پرەزيدەنت جانىنداعى ورتالىق كوممۋنيكاتسيالار قىزمەتىندە ەۋرازيالىق ينتەگراتسيا ينستيتۋتىنىڭ ديرەكتورى, «ساياساتتانۋشىلار كونگرەسى» قوعامدىق بىرلەستىگىنىڭ ءتورايىمى جانارگۇل قۇسمانعاليەۆا مەن زاماناۋي دامۋ ينستيتۋتىنىڭ ديرەكتورى ورازعالي سەلتەەۆتىڭ قاتىسۋىمەن «5 ينستيتۋتتىق رەفورما مەملەكەتتىلىكتى نىعايتۋ ءۇشىن» تاقىرىبىندا ءباسپاسوز ءماسليحاتى ءوتتى. ءماسليحات بارىسىندا ءسوز العان ينستيتۋت ديرەكتورى ج.قۇس­مانعاليەۆا: «100 ناقتى قادام» ۇلت جوسپارى جوباسى ەلىمىزدى جار­قىن بولاشاققا جەتەلەيدى. ون­داعى بارلىق تاپسىرمالاردى ورىنداۋعا مىندەتتىمىز. ەل­باسى الەمنىڭ دامىعان 30 ەلىنىڭ قاتارىنا ەنۋ مىندەتىن العا قويىپ وتىر, وسى جولدا بىزگە ەكونو­ميكالىق ىنتىماقتاستىققا مۇشە ەلدەردىڭ ستاندارتتارى  باعىت بەرەدى», – دەدى. سونداي-اق, ول قوعامدا مەملەكەت باسشىسى ايقىنداپ بەرگەن «100 قادامنىڭ» تۇزگەن مىندەت-جوسپارلارى جوعارى دەڭگەيدە باعالانىپ, ەلىمىزدەگى ەتنوستار اراسىندا بىرىڭعاي ۇلتتىق تا­تۋلىق ورناتۋعا باسىمدىقتار بە­رىل­گەندىگى جونىندە توقتالىپ ءوتتى. تاعى ءبىر ايتا كەتەرلىگى,  «مەنىڭ ەلىم» ۇلتتىق جوباسىن جۇزەگە اسىرۋ اياسىندا قازاقستاندا جوعارى تەحنولوگيالىق تانىمدىق «قازاقستان ەنتسيكلوپەدياسى» ۆەب-پورتالى اشىلماق. بۇل پورتالدا 3D نۇسقاداعى ساپارلاردى تاماشالاۋعا بولادى ەكەن. ولار – قازاقستان بويىنشا ۆيرتۋالدى تۋرلار. ونىڭ ىشىندە قازاقستان تاريحى مەن مادەنيەتى جونىندە اقپارات, قىزىقتى فاكتىلەر, انىق­­تامالىق گەوگرافيالىق دەرەك­تەر­مەن تولىقپاق. وندا قازاقستان­دىق­تارمەن قوسا, تۋريستەر دە سايت­قا ەركىن كىرىپ, ەلىمىز تۋرالى قىزىق­تى اقپاراتتارعا قانىعا الادى. تاقىرىپ شەڭبەرىندە: «بۇل جوبانى جىل سوڭىنا دەيىن ىسكە قوسۋدى جوسپارلاپ وتىرمىز. جەلىدە كوپتەگەن جوبالار بار. سونداي-اق, بۇل سايتتا قازاقستان تۋرالى بارشا اقپارات جيناقتالادى جانە وسىندا سوڭعى بۋىندى تەحنولوگيالاردى ەسكەرە وتىرىپ, يننوۆاتسيالىق قادامدار پايدالانىلادى», – دەپ تۇيىندەدى ءسوزىن جانارگۇل قۇسمانعاليەۆا. ال ورازعالي سەلتەەۆ رەس­پۋب­ليكالىق پاتريوتتار فورۋمىن وتكىزۋ اياسىندا «جىل پاتريوتى» بايقاۋىنىڭ نومينانتتارىن ماراپاتتاۋ وتەتىندىگى جونىندە مالىمدەدى. «ەلباسى جاريالاعان «بىرەگەيلىك جانە بىرلىك» ينستي­تۋت­تىق رەفورماسى اياسىندا رەسپۋبليكالىق پاتريوتتار فورۋمى وتكىزىلەدى. ونىڭ شەڭبەرىندە «ماڭگىلىك ەل» جالپىۇلتتىق يدەياسىن قوعامدىق تالقىلاۋ بولادى», – دەدى ول. ءىس-شارا ازاماتتىق قوعام وكىل­دەرىنىڭ, عالىمدار جانە جەتەكشى ساراپ­شىلاردىڭ قاتىسۋىمەن كونفە­رەنتسيا فورماتىندا وتەدى. سونى­مەن قاتار, فورۋم جۇمىسىنا قازاق­ستاننىڭ تۇكپىر-تۇكپىرىنەن ءارتۇر­لى ماماندىق وكىلدەرى قاتى­سادى. «بۇل ناقتى ىستەرىمەن ەل دامۋى­نا ۇلەس قوسىپ وتىرعان ناعىز پات­ريوتتار», – دەپ اتاپ ءوتتى و.سەلتەەۆ. راۋشان تاۋىرحانقىزى, جۋرناليست.