كەزدەسۋ بارىسىندا تاراپتار ەكىجاقتى ستراتەگيالىق ارىپتەستىكتىڭ باسىم باعىتتارى جونىندە جان-جاقتى پىكىر الماسىپ, ينۆەستيتسيالىق, ونەركاسىپتىك ءوزارا ءىس-قيمىلدى ودان ءارى تەرەڭدەتۋ پەرسپەكتيۆالارىن تالقىلادى. سونداي-اق قازاقستان مەن چجەتسزيان پروۆينتسياسى اراسىندا ماشينا جاساۋ, اۆتوموبيل قۇراستىرۋ, جاڭا تەحنولوگيالار سالاسىنداعى ىنتىماقتاستىقتى نىعايتۋ, ونىڭ ىشىندە وڭىرارالىق دەڭگەيدە پراكتيكالىق ءوزارا ءىس-قيمىلدى جانداندىرۋ جونىندەگى ۋاعدالاستىقتارعا قول جەتكىزدى.
بۇعان قوسا, قازاقستان-قىتاي ونەركاسىپتىك ىنتىماقتاستىعىنىڭ ورنىقتى سەرپىنى مەن ءىرى يندۋستريالىق جوبالاردى جۇزەگە اسىرۋداعى قىتاي كومپانيالارىنىڭ ايتارلىقتاي تاجىريبەسى اتاپ ءوتىلدى.
كەزدەسۋ قورىتىندىسى بويىنشا قىتايلىق كومپانيالاردىڭ وكىلدەرى ءوزارا شەشىمدەردى دايەكتى جۇزەگە اسىرۋعا, وندىرىستىك ءارى تەحنولوگيالىق ىنتىماقتاستىقتى كەڭەيتۋگە ۋاعدالاستى.
رومان سكليار قازاقستان ۇكىمەتى بىرلەسكەن باستامالاردى كىدىرىسسىز قولداۋعا ءارى دامىتۋعا, سونداي-اق ولاردى جۇزەگە اسىرۋدى ۇيلەستىرۋگە جانە جوبالاردى تابىستى ورىنداۋ ءۇشىن جاعداي جاساۋعا دايىن ەكەنىن جەتكىزدى.
قازاقستان – قىتاي ستراتەگيالىق ارىپتەستىگى شەڭبەرىندە مەتاللۋرگيا, تاۋ-كەن بايىتۋ ونەركاسىبى مەن اۆتوموبيل ءوندىرىسى سالاسىنداعى باسىم جوبالاردى پىسىقتاۋ تۋرالى ۋاعدالاستىققا قول جەتكىزىلدى.
