حابارلاما تۇسكەن بويدا ىقتيمال ىزدەۋ اۋماعىنا تجم كۇشتەرى مەن قۇرالدارى جەدەل تۇردە جۇمىلدىرىلدى.
وقيعا ورنىندا جەدەل شتاب قۇرىلدى. ىزدەستىرۋ-قۇتقارۋ جۇمىستارىن جۇرگىزۋ ءۇشىن تجم «قازاۆياقۇتقارۋ» تىكۇشاعى كوتەرىلىپ, اۋەدەن «تۇيىقسۋ» مۇزدىعى, «مىڭجىلقى» سايى جانە «لوكوموتيۆ» شىڭى ماڭىنداعى اۋماقتار تەكسەرىلۋدە.
«ۇشقىشسىز ۇشۋ اپپاراتىنىڭ كومەگىمەن جۇرگىزىلگەن ىزدەستىرۋ جۇمىستارى بارىسىندا «لوكوموتيۆ» شىڭى ماڭىنان ءبىر ادامنىڭ ءمايىتى تابىلدى. تجم اۋە كەمەسى ارقىلى تەڭىز دەڭگەيىنەن 3700 مەتر بيىكتىكتەن ءتۇسىرىلىپ, ءمايىت پوليتسيا قىزمەتكەرلەرىنە تاپسىرىلدىسوت-مەديتسينالىق ساراپتاما تاعايىندالدى. جەكە تۇلعانى تۇپكىلىكتى انىقتاۋ بارلىق قاجەتتى ساراپتامالار اياقتالعاننان كەيىن جۇرگىزىلەدى. مارقۇمنىڭ تۋىستارىنا تجد, روسو پسيحولوگتارى مەن تجم مەديتسينا قىزمەتكەرلەرى تاراپىنان قاجەتتى پسيحولوگيالىق كومەك كورسەتىلىپ جاتىر», دەپ حابارلادى توتەنشە جاعداي دەپارتامەنتى.
قالعان ەكى ادامنىڭ ورنالاسقان جەرىن انىقتاۋ بويىنشا ىزدەستىرۋ جۇمىستارى جالعاسىپ جاتىر.
ىزدەستىرۋ جۇمىستارىنا 50-دەن استام ادام, ونىڭ ىشىندە قۇتقارۋشىلار مەن ەرىكتىلەر, 7 بىرلىك تەحنيكا, 4 ۇشقىشسىز ۇشۋ اپپاراتى جانە الماتى قالاسى تجد, روسو, قۇتقارۋ قىزمەتى مەن اپاتتار مەديتسيناسى ورتالىعىنىڭ 3 كينولوگيالىق ەسەپتوبى تارتىلعان.
