كوكونىس ساقتاۋ قويماسىنىڭ جالپى اۋماعى 8 200 شارشى مەتردى قۇرايدى, مۇندا 28 ساقتاۋ كامەراسى ورنالاسقان. تەمپەراتۋرالىق رەجيم –25 °C-تان +25 °C-قا دەيىن رەتتەلەدى. سونىمەن قاتار تەمپەراتۋرا مەن ىلعالدىلىقتى اۆتوماتتى باقىلاۋ جۇيەلەرى, زاماناۋي توڭازىتقىش قوندىرعىلار, جەلدەتۋ جانە ميكروكليماتتى باسقارۋ جۇيەلەرى ورناتىلعان. ەنەرگيانى ۇنەمدەيتىن ينجەنەرلىك شەشىمدەر نىساننىڭ ۇزدىكسىز ءارى ۇنەمدى جۇمىس ىستەۋىن قامتاماسىز ەتەدى.
«ەكى جىل بۇرىن وبلىس تۇرعىندارى ءۇشىن نەگىزگى ازىق-ت ۇلىك ونىمدەرىنىڭ باعاسىن تومەندەتۋگە باعىتتالعان لوگيستيكالىق ورتالىقتىڭ قۇرىلىسى باستالدى. ا ساناتىنداعى قويمالار مەن تەمىرجول تارماعى سالىندى, بۇل ءونىمنىڭ وزىندىك قۇنىن ازايتۋعا مۇمكىندىك بەرەدى. مەملەكەت پەن وبلىستىق اكىمدىكتىڭ قولداۋىمەن 15,5 مىڭ تونناعا ارنالعان كوكونىس ساقتاۋ قويماسى بوي كوتەردى. ورتالىقتا باتىس قازاقستانداعى بىرەگەي باناننىڭ ءپىسىپ-جەتىلۋىن قامتاماسىز ەتەتىن كامەراسى ىسكە قوسىلدى. تۇتىنۋشىلاردان تۇسكەن سۇرانىسقا قاراي بانانداردى كەزەڭ-كەزەڭىمەن ءپىسىرىپ, نارىققا شىعارۋ مۇمكىندىگى بار», دەدى ورتالىق باسشىسى باۋىرجان جولمۇحانوۆ.
لوگيستيكالىق ورتالىقتىڭ جالپى اۋماعى 30 گەكتاردى قۇرايدى. نىسان قولايلى جەردە ورنالاسقان, 5 تەمىرجول تارماعى, كونتەينەرلىك الاڭ, وزىندىك اۆتوپارك, ا ساناتىنداعى قويمالار (5 400 م²), وندىرىستىك كەشەندەر جانە كوكونىس ساقتاۋ قويماسىنان تۇرادى.
