كىتاپتىڭ تۇساۋكەسەرى الماتى قالاسىنداعى «ارميا ۇيىندە» ءوتتى. سالتاناتتى جيىنعا قالاداعى اسكەري وقۋ ورىندارىنىڭ وفيتسەرلەرى مەن كۋرسانتتارى قاتىسىپ, باتىر رۋحىنا تاعزىم جاسادى. ءىس-شاراعا رەسپۋبليكالىق «گەنەرالدار كەڭەسى» قوعامدىق بىرلەستىگىنىڭ توراعاسى, گەنەرال-لەيتەنانت بەكسۇلتان سارسەكوۆ مودەراتورلىق ەتتى.
ايتا كەتۋ كەرەك, بۇدان ءبىر كۇن بۇرىن گەنەرال-مايور, قازاقستان جازۋشىلار وداعىنىڭ مۇشەسى ەرجان يساقۇلوۆتىڭ باۋىرجان مومىش ۇلى تۋرالى ماقالاسى جارىق كورگەن ەدى. كوپ ۇزاماي مەملەكەت باسشىسىنىڭ پارمەنىمەن باتىرعا «حالىق قاھارمانى» اتاعى رەسمي تۇردە بەرىلدى. بۇل تاريحي ادىلەتتىڭ ورناۋى, ۇلتتىق جادتىڭ جاڭعىرۋى رەتىندە قابىلداندى.
تارازداعى اسكەري مەكتەپ-ينتەرناتقا باۋىرجان مومىش ۇلىنىڭ ەسىمى بەرىلەدى
10 تومدىق ەڭبەكتىڭ اۆتورى مامىتبەك قالدىباي باۋىرجان مومىش ۇلىمەن جيىرما جىلدان استام ۋاقىت بويى ەتەنە ارالاسىپ, ونىڭ مايدان جىلدارىنداعى ەستەلىكتەرىن, قولباسشىلار مەن زامانداستارى تۋرالى وي-تولعامدارىن كوزبەن كورىپ, قۇلاقپەن ەستىپ, كوڭىلگە تۇيگەن ازامات. اۆتور باتىردىڭ ەرەكشە مىنەزىن, تۋراشىلدىعىن, شەشەندىگىن, ەلدىك نامىستى بارىنەن بيىك قوياتىن قايسار بولمىسىن جان-جاقتى زەردەلەگەن. سوعىس پەن بەيبىت ومىردەگى ءاربىر وقيعادان وي قورىتا بىلەتىن تەرەڭ پاراساتى دا وسى ەڭبەكتە كەڭىنەن اشىلعان.
كوپتومدىقتا باۋىرجان مومىش ۇلىنىڭ كونستانتين روكوسسوۆسكي, گەورگي جۋكوۆ, الەكساندر ۆاسيلەۆسكي, يۆان باگراميان, يۆان پانفيلوۆ, الەكساندر فادەەۆ, الەكسەي تولستوي, مۇحتار اۋەزوۆ, ءسابيت مۇقانوۆ, عابيت مۇسىرەپوۆ, قانىش ساتباەۆ سىندى اسكەري قولباسشىلار مەن رۋحانيات الىپتارى تۋرالى ايتقان اڭگىمەلەرى قامتىلعان. بۇل دەرەكتەردىڭ قۇندىلىعى – رەسمي حرونيكادا ەمەس, باتىردىڭ ءوز كوزىمەن كورىپ, ءوز وي ەلەگىنەن وتكىزگەن ءتىرى تاريحىندا جاتىر. سوندىقتان جيناقتىڭ تاربيەلىك, تانىمدىق سالماعى ايرىقشا.
باۋىرجان مومىش ۇلىنا «حالىق قاھارمانى» اتاعى رەسمي تۇردە بەرىلدى
قاھارمان ءومىرىنىڭ قاتپارلى جولىن ارقاۋ ەتكەن 10 تومدىق جيناق «بەكاسىل اۋليە» جەكە قورىنىڭ دەمەۋشىلىگىمەن الماتى قالاسىنداعى «كەرۋلەن پرينت» باسپاحاناسىنان جارىق كوردى. بۇل ەڭبەك ءبىر تۇلعانىڭ عۇمىرناماسى عانا ەمەس, تۇتاس ءداۋىردىڭ رۋحاني شەجىرەسى دەۋگە نەگىز بار.
باۋىرجان مومىش ۇلىنىڭ تاعدىرى مەن تاعىلىمى بۇگىنگى ۇرپاققا ءالى تالاي وي سالادى. ال سول رۋحاني مۇرانى جۇيەلەپ, حاتقا تۇسىرگەن بۇل كوپتومدىق ۇلت جادىندا ۇزاق ساقتالارى ءسوزسىز.
