ءوزىمىزدىڭ ءونىم

وسكەمەندىكتەر ءوڭىر وندىرۋشىلەرىن قولدايدى مەملەكەت باسشىسى نۇر­سۇلتان نازارباەۆ ۇكىمەتتىڭ كەڭەيتىلگەن وتىرىسىندا وتان­دىق تاۋار وندىرۋشىلەردى قولداۋ ماقساتىندا «قازاقستاندا جاسالعان» جالپىۇلتتىق اكتسيا­سىن وتكىزۋ جونىندە تاپسىرما بەرگەن بولاتىن. وسى ورايدا بارشا وتانداستارىمىزبەن بىرگە وسكەمەندىكتەر دە «قازاقستاندا جاسالعان» اكتسياسىنا بەلسەندى تۇردە ءۇن قوسۋدا. قازىرگى كەزدە وبلىس ورتالىعىنداعى بارلىق ساۋدا جەلىلەرى مەن دۇكەندەردە وتاندىق تاۋار وندىرۋشىلەردىڭ ونىمدەرى سۇرانىسقا يە بولا باس­تادى. ويتكەنى, كەز كەلگەن سۋپەرماركەت پەن ساۋدا نىساندارىنا كىرىپ بارساڭىز, قارسى الدىڭىزداعى وتاندىق ونىمدەر قويىلعان سورەلەردەگى «قازاقستاندا جاسالعان. ءوز ەلىڭدى قولدا!» دەگەن جازۋلار قارسى الادى. – وسكەمەن قالاسىنىڭ كا­سىپكەرلەرى «قازاقستاندا جا­سال­عان» اكتسياسىنا ۇلكەن قولداۋ كورسەتىپ وتىر. بۇگىندە شاھار­­داعى ءىرى ساۋدا نۇكتەلەرىنىڭ بارلىعىندا اتالعان اكتسيانىڭ ءتولتاڭباسى مەن جازۋلارى بار باننەرلەر قويىلدى, – دەدى قا­لالىق كاسىپكەرلىك ءبولىمىنىڭ باسشىسى باۋىرجان نۇرعازين. سونداي-اق, ساۋدا نىساندارىندا جەرگىلىكتى تاۋار وندىرۋشىلەردىڭ ونىمدەرى ساتىپ الۋشىلارعا قولايلى ورىندارعا ورنالاستىرىلدى. ال «فرەش-ماركەت» ساۋدا گاسترونومىنداعى ازىق-ءتۇ­لىكتىڭ نەگىزگى بولىگى جەرگىلىكتى كا­سىپ­ورىنداردىڭ ونىمدەرى. ءاۋ باس­تا اتالعان گاسترونوم شى­عىسقازاقستاندىق فەرمەرلەردى قول­داۋ باعىتىندا قۇرىلعان بو­لاتىن. وندا ءار سەنبى سايىن جەر­گىلىكتى تاۋار وندىرۋشىلەر ءوز ونىمدەرىن تومەن باعادا ۇسى­نا­تىن جارمەڭكەلەر وتكىزىلىپ تۇرادى. قالا تۇرعىندارىنىڭ دا وسى ۇردىسكە ۇيرەنىپ, كوبىنەسە جەر­گىلىكتى وندىرۋشىلەردىڭ ءونىم­دەرىن سۇراستىرىپ جاتقانىن ءجيى اڭدايمىز. «قازاقستاندا جا­سالعان» جالپىۇلتتىق اكتسياسى وسى قولداۋدى ودان ءارى جانداندىرا ءتۇستى. – دۇكەندەرگە كىرىپ كەلگەندە, الدىڭىزدان «قازاقستاندا جا­سالعان. ءوز ەلىڭدى قولدا!» دەگەن جازۋى بار بەلگىلەر قارسى الادى. وعان نازار اۋدارماۋ مۇمكىن ەمەس. بۇل ساۋدا جاساۋشىلار, ساتىپ الۋشىلار ءۇشىن وتە قولايلى. ياعني, قاي جەردەن وتاندىق ونىمدەردى الۋعا بولاتىنىن تەز بىلە قوياسىز. مەن ۇنەمى ءوزىمىزدىڭ وڭىردە وندىرىلەتىن, قازاقستاندا شىعارىلاتىن ونىمدەردى تاڭ­دايمىن. ويتكەنى, وزگەلەردەن گورى, ءوزىمىزدىڭ وندىرۋشىلەرگە سەنەمىن, – دەيدى قالا تۇرعىنى رايحان جاڭىلحانوۆا. اتالعان شارانى ۇيىم­داس­تىرۋشىلار جالپىۇلتتىق اكتسيا اياسىندا تۇرعىنداردىڭ ەلىمىزدە قانداي ونىمدەر ءوندى­رىلەتىنىنەن دە جان-جاقتى حاباردار بولىپ جاتقانىن جەتكىزدى. دۋمان اناش, «ەگەمەن قازاقستان». وسكەمەن.