فوتو: اقوردا
«مەملەكەت ەرەكشە كۇتىمدى قاجەت ەتەتىن بالالار ماسەلەسىنە ايرىقشا ءمان بەرەدى. كەشە مەن استاناداعى ينكليۋزيۆتى سپورت ورتالىعىندا بولدىم. سونداي ورتالىقتاردى ەلىمىز بويىنشا باسقا ايماقتاردا سالۋ قاجەت دەپ سانايمىن», دەدى پرەزيدەنت.
مەملەكەت باسشىسى ۇكىمەتكە اكىمدەرمەن بىرلەسىپ, بۇل ماسەلەنى جان-جاقتى پىسىقتاپ, شۇعىل شارالار قابىلداۋدى تاپسىردى.
«شىن مانىندە, مۇنداي نىسانداردىڭ تەك ەلوردادا عانا بولعانى دۇرىس ەمەس, ءاربىر وبلىستا سالۋ كەرەك. بۇل اكىمدەردىڭ جۇمىسىنداعى ولقىلىق دەپ ايتۋعا بولادى. ءبىز – الەۋمەتتىك مەملەكەتپىز. سوندىقتان الەۋمەتتىك مىندەتتەمەلەردى ورىنداۋ ءاردايىم ەلىمىزدىڭ ايرىقشا نازارىندا تۇراتىن ماسەلە. بيىل زەينەتاقى جانە جاردەماقى تولەۋگە 5,9 تريلليون تەڭگە ءبولىندى. كەلەسى جىلى بۇل كورسەتكىش تاعى 10 پايىزعا وسەدى», دەدى قاسىم-جومارت توقاەۆ.
