فوتو:depositphotos.com
الاياقتار ازاماتتاردى الداپ-سوعۋدا جابىرلەنۋشىنىڭ تەلەفونىنا «1414» قىسقا نومىرىنەن حابارلاما جىبەرۋ ءادىسىن ءجيى پايدالانادى.
ولار مەملەكەتتىك ورگاندار, بانك پەن پوليتسيا نەمەسە ۇلتتىق قاۋىپسىزدىك كوميتەتىنىڭ قىزمەتىن ۇسىنىپ, تەلەفونعا جىبەرىلگەن كودتى سۇرايدى.
ەندى ازاماتتارعا 1414 ارقىلى SMS-كود جىبەرىلمەيدى
كيبەرالاياقتىق فاكتىلەرى بەينە بايلانىستى تالاپ ەتەتىن جاعدايلار دا تىركەلگەن. سوندىقتان مەملەكەتتىك ورگاندار ەندى «1414» حابارلاماسىن پايدالاناتىن جۇيەلەرگە تەك بيومەتريالىق اۋتەنتيفيكاتسيانى (FaceID), ەلەكتروندىق تسيفرلىق قولتاڭبانى (ەتسق) نەمەسە QR-كودتى (eGov QR) قولدانۋدى تاپسىردى.
وسى جىلدىڭ جەلتوقسان ايىنان باستاپ اتالعان تالاپتاردى ەنگىزبەگەن جۇيەلەر «1414» SMS-شليۋزىنەن اجىراتىلعان.
كيبەرالاياقتار فرانتسيا پوشتاسىن بۇعاتتاپ تاستادى
قابىلدانعان شارالار نەگىزىندە باس پروكۋراتۋرا مەملەكەتتىك ورگاندار مەن بانكتەر ەشقاشان SMS-تەن ءبىر رەتتىك كودتاردى, كارتا دەرەكتەرىن نەمەسە پارولدەردى سۇرامايتىنىن ەسكە سالىپ وتىر. سونداي-اق اقشا اۋدارۋعا ارنالعان ەشقانداي «قاۋىپسىز شوتتىڭ» جوق ەكەنىن, كۇدىك تۋدىراتىن قوڭىراۋلار كەزىندە ءۇشىنشى تۇلعالارعا جەكە دەرەكتەردى بەرمەۋ كەرەك ەكەنىن ەسكەرتتى.
ال الاياقتاردىڭ ارەكەتىنە بايلانىستى كۇماندى جاعداي تۋسا دەرەۋ بانككە نەمەسە ۋاكىلەتتى مەملەكەتتىك ورگاندارعا حابارلاسۋ قاجەت.
