فوتو: اقوردا
قاسىم-جومارت توقاەۆقا ەكونوميكانى يندۋستريالاندىرۋ, مال شارۋاشىلىعى مەن اۋىل شارۋاشىلىعى ونىمدەرىن وڭدەۋ, ەگىس القاپتارىن ءارتاراپتاندىرۋ, سۋ ۇنەمدەۋ تەحنولوگياسىن ەنگىزۋ باعىتىندا اتقارىلىپ جاتقان جۇمىستار تۋرالى باياندالىپ, ينۆەستيتسيالىق پۋل تۋرالى مالىمەت بەرىلدى.
جىل باسىنان بەرى وڭىرگە 599,2 ميلليارد تەڭگە ينۆەستيتسيا تارتىلعان, ءوسىم 33 پايىزدى قۇراعان. سوڭعى ەكى جىلدا وبلىستا جالپى قۇنى 242 ميلليارد تەڭگە بولاتىن 56 ينۆەستيتسيالىق جوبا ىسكە اسىرىلعان.
مەملەكەت باسشىسىنا وبلىستاعى جەتەكشى كاسىپورىنداردىڭ جوبالارى كورسەتىلدى. ولاردىڭ قاتارىندا «قازفوسفات» سەرىكتەستىگىنىڭ مينەرالدى تىڭايتقىشتار ءوندىرۋ جانە YONGGANG CENTRAL IRON and STEEL كومپانياسى سالىپ جاتقان مەتاللۋرگيا زاۋىتى جوبالارى بار.
سونداي-اق جاڭاتاس قالاسىنداعى «ەۆروحيم-قاراتاۋ» اۋقىمدى ينۆەستيتسيالىق جوباسىنىڭ ارالىق قورىتىندىسى ۇسىنىلدى. قازىر كۇكىرت قىشقىلىن وندىرەتىن جاڭا زاۋىتتى ىسكە قوسۋ الدىنداعى تەكسەرۋ جۇمىستارى جۇرگىزىلىپ جاتىر. العاشقى ءونىم ىشكى نارىققا جونەلتىلدى.
الداعى ۋاقىتتا پايدالانۋعا بەرىلەتىن Shengtai Biotech Co.Ltd جۇگەرى وڭدەۋ زاۋىتى جونىندە دە باياندالدى. شۋ اۋدانىنداعى بۇل جوباعا 1,5 ميلليارد دوللار ينۆەستيتسيا سالىنعان. سونىمەن بىرگە بايزاق اۋدانىنداعى Zhongkai Kazakhstan International Company قانت زاۋىتى قۇرىلىسى جايىندا مالىمەت بەرىلدى.
پرەزيدەنت فارماتسەۆتيكالىق كاسىپورىنداردىڭ قىزمەتىمەن تانىستى
بۇدان بولەك, KAZ FMWORLD AGRICULTURAL MACHINERY كومپانياسىنىڭ يندۋستريالدىق ايماقتا شىعارىلاتىن اۋىلشارۋاشىلىق تەحنيكالارى كورسەتىلدى.
ەسكە سالايىق, بۇگىن مەملەكەت باسشىسى جامبىل وبلىسىنا جۇمىس ساپارىمەن باردى.
