پاتەرلەر ايتارلىقتاي قىمباتتادى
2025 جىلى جاڭا سالىنعان تۇرعىن ۇيلەردەگى پاتەر باعاسى كۇرت ءوستى. ەل بويىنشا باعا ورتا ەسەپپەن 15,5%-عا ارتتى ء(ار شارشى مەترگە +75 000 تەڭگە).
ەڭ جوعارى ءوسىم الماتىدا تىركەلدى (شامامەن 20%). باعانىڭ ءوسۋى پاۆلودار (+19,6%), استانا (+17,4%) جانە قوناەۆ (+17,5%) قالالارىندا دا بايقالدى.
باعانىڭ بۇلاي وسۋىنە ەكونوميكالىق جانە ينفلياتسيالىق فاكتورلار, سونداي-اق قاڭتاردان باستاپ قۇرىلىس سالۋشىلار ءۇشىن ققس جەڭىلدىگىنىڭ الىنىپ تاستالۋى جانە مولشەرلەمەنىڭ 0%-دان 16%-عا دەيىن ءوسۋى اسەر ەتتى.
قيىندىقتارعا قاراماستان, بيىل پايدالانۋعا بەرىلگەن تۇرعىن ءۇي كولەمى جوعارى بولدى – 11 ايدا شامامەن 17 ملن شارشى مەتر باسپانا تاپسىرىلدى.
قايتالاما نارىق
قازاقستاننىڭ بارلىق قالاسىندا پاتەرلەر قىمباتتادى. ورتاشا ءوسىم – 8%-دى كورسەتتى. باعانىڭ تومەندەۋى ەشبىر وڭىردە تىركەلگەن جوق.
ەڭ جوعارى ءوسىم قوستانايدا (+14,4%), استانادا (+13%), شىمكەنتتە (+12%), الماتىدا (+7,3%), ەڭ تومەنى – تۇركىستاندا (+3,3%) تىركەلدى.
بيىل باعا وتكەن جىلمەن سالىستىرعاندا ەكى ەسە جىلدام ءوستى.
يپوتەكا قولجەتىمسىز بولا ءتۇستى
يپوتەكالىق نەسيەلەۋ بۇرىنعىدان دا قولجەتىمسىز بولدى. ءبىر جىل ىشىندە مولشەرلەمەلەر 4–5%-عا ءوسىپ, 21%-دان 25%-عا جەتتى. اسىرەسە قايتالاما نارىقتاعى تۇرعىن ءۇي الۋشىلارعا جاعداي قيىندادى.
بانكتەر ەڭ جوعارى رۇقسات ەتىلگەن مولشەرلەمەلەردى قايتا قاراۋ جانە ۇلتتىق بانكتىڭ بازالىق مولشەرلەمەسىنىڭ 18%-عا دەيىن وسۋىنە بايلانىستى يپوتەكانى ەكى رەت توقتاتتى. قارىز الۋشىلار يپوتەكالىق پايىزداردىڭ تومەندەۋىن كۇتكەن, الايدا بۇل 2026 جىلعا قالدىرىلدى.
مەملەكەتتىك باعدارلامالار قىسقارىپ جاتىر. بيىل ىسكە قوسىلعان جالعىز جاڭا باعدارلاما – «ناۋرىز جۇمىسشى». بۇل جۇمىسشى ماماندىق يەلەرىنە ارنالعان يپوتەكا. مولشەرلەمە 7–9%, باستاپقى جارنا 10%-دان باستالادى. ءبىر جىلدا ونى 2546 ادام راسىمدەگەن.
ەلىمىزدە تۇرعىن ءۇي كەزەگىن جەدەلدەتۋ ماقساتىندا جاڭا ەرەجە ەنگىزىلدى
«7-20-25» باعدارلاماسىنىڭ شارتتارى وزگەردى: قالالار بويىنشا نەسيە سوماسى ارتتى, بىراق جاڭا تالاپ ەنگىزىلدى – سوڭعى 1,5 جىلدا قارىز الۋشى مەن ونىڭ وتباسى مۇشەلەرىنىڭ اتىنا تۇرعىن ءۇي تىركەلمەۋى كەرەك. بارلىق بانكتەر ءۇشىن جىلدىق ليميت بۇرىنعىداي – 100 ملرد تەڭگە, بۇل كولەم جەتكىلىكسىز.
«ناۋرىز» يپوتەكاسى ىسكە قوسىلعاننان بەرى ەكى جىلدا 15 مىڭنان استام نەسيە راسىمدەلدى. ال «ۇماي» ايەلدەر يپوتەكاسى ءالى ىسكە قوسىلعان جوق.
تۇرعىن ۇيگە سۇرانىس ارتتى
يپوتەكاداعى قيىندىقتارعا قاراماستان, تۇرعىن ۇيگە سۇرانىس تۇراقتى بولدى. بيىل تۇرعىن ءۇيدى ساتىپ الۋ-ساتۋ مامىلەلەرى وتكەن جىلمەن سالىستىرعاندا 3%-عا ارتتى. بەلسەندىلىك تامىز, قىركۇيەك جانە قازان ايلارىندا تىركەلدى, ايىنا شامامەن 41 مىڭ مامىلە جاسالدى.
ستاتيستيكا بويىنشا ەڭ سۇرانىسقا يە باسپانا – ءبىر جانە ەكى بولمەلى پاتەرلەر.
جەلتوقسان ايىندا, وتكەن جىلدارداعىداي, مامىلەلەر سانى ارتۋى مۇمكىن – ساتۋشىلار مەن ساتىپ الۋشىلار جاڭا جىلعا دەيىن جوسپارلارىن اياقتاۋعا تىرىسادى.
قۇرىلىسقا باقىلاۋ كۇشەيتىلدى
2025 جىلى قۇرىلىس سالاسىنا قاتىستى زاڭناما ەداۋىر قاتاڭدادى. ەكى پاكەت تۇزەتۋ قابىلداندى. نەگىزگى وزگەرىستەر كەلەسىدەي:
-
ۇلەستىك قاتىسۋ تۋرالى كەلىسىمشارت بولماسا پاتەر ساتۋعا تىيىم سالىندى;
-
جاڭا تۇرعىن ۇيلەردى جارنامالاۋعا شەكتەۋ قويىلدى.
ەگەر زاڭبۇزۋشۋلىقتار تىركەلسە 800 مىڭنان 8,7 ملن تەڭگەگە دەيىن ايىپپۇل سالىنادى.
بارلىق ازاماتتار تۇرعىن ءۇي كەزەگىنە تۇرا الادى
2025 جىلى العاش رەت تۇرعىن ءۇي كەزەگىنە تۇرۋ بارلىق ازاماتتارعا قولجەتىمدى بولدى. نەگىزگى شارت – سوڭعى 5 جىلدا تۇرعىن ءۇيى بولماۋى كەرەك.
مامىر ايىنان باستاپ تۇرعىن ءۇي كەزەگىن «وتباسى بانك» جۇرگىزەدى. قازىر كەزەكتە 640 مىڭنان استام ادام تۇر.
كوپتەن كۇتكەن قونىستوي: جۇرتشىلىق جاڭا زاڭنىڭ يگىلىگىن كورە باستادى
زەينەتاقى جەتكىلىكتىلىك شەكتەرى ءوستى
2025 جىلى سوڭعى ءۇش جىلدا العاش رەت زەينەتاقى جيناقتارىنىڭ جەتكىلىكتىلىك شەكتەرى كوتەرىلدى. ولار شامامەن 10%-عا ءوسىپ, 2026 جىلعى قاڭتاردان باستاپ قولدانىلادى.
جاڭا جىلعا دەيىن زەينەتاقى جيناعىنان قالاي اقشا الىپ قالۋعا بولادى؟
قازىر زەينەتاقى قاراجاتى كوبىنە يپوتەكانى وتەۋگە جانە وتباسى بانكتەگى دەپوزيتتەردى تولىقتىرۋعا باعىتتالىپ جاتىر.
