فوتو: shutterstock.com
ءمينيستردىڭ ايتۋىنشا, ەكى نىساندا دا قاجەتتى جابدىقتار ورناتىلعان: جەو-2-دە Siemens كومپانياسىنىڭ تۋربيناسى ىسكە قوسىلسا, جەو-3-تە Ansaldo تۋربيناسى ورناتىلعان, ال قىتايدان جەتكىزىلەتىن تاعى ءبىر تۋربينا جۋىردا كەلۋى ءتيىس. بارلىق جۇمىستار بەكىتىلگەن جوسپارعا سايكەس جۇرگىزىلىپ جاتىر.
اۋانىڭ ساپاسى جاقسارادى
مودەرنيزاتسيانىڭ باستى ماقساتى – الماتىداعى ەكولوگيالىق جاعدايدى جاقسارتۋ. گازعا كوشۋ كومىرمەن سالىستىرعاندا زياندى قالدىقتاردىڭ كولەمىن ەداۋىر ازايتىپ, قالا اۋاسىنىڭ تازالانۋىنا وڭ اسەر ەتەدى.
جوبانىڭ تاريحى
جەو-2-ءنى گازعا كوشىرۋ تۋرالى شەشىم 2020 جىلى قابىلدانعان, الايدا قۇرىلىس-مونتاج جۇمىستارى 2023 جىلدىڭ ەكىنشى جارتىسىندا باستالعان.
جەو-3 (بۇرىنعى گرەس) گازعا كوشىرۋ جوباسى دا 2023 جىلى ىسكە اسىرىلعان.
الماتىداعى جەو-1 بۇعان دەيىن 2017 جىلى جاڭعىرتىلعان.
