وقۋ جىلى بارىسىندا جاۋىنگەرلىك دايارلىق بويىنشا شامامەن 60 مىڭ ءىس-شارا وتكىزىلدى, ولاردىڭ 17 مىڭنان استامى تۇنگى جاعدايلاردا ۇيىمداستىرىلدى. ءىس-شارالاردىڭ نەگىزگى بولىگى قۇرلىق اسكەرلەرى مەن دەسانتتىق-شابۋىلداۋ اسكەرلەرىنىڭ ۇلەسىنە تيەسىلى بولدى.
اۋە قورعانىسى كۇشتەرى اسكەري-اۋە كۇشتەرىنىڭ ۇشقىش قۇرامىن دايارلاۋ دەڭگەيىنىڭ وڭ سەرپىنى اتاپ وتىلەدى. جىل ىشىندە كۇندىزگى جانە تۇنگى ۋاقىتتا شامامەن مىڭ ۇشۋ اۋىسىمى ورىندالدى. اۋە اسكەرلەرىنىڭ ءتۇرلى تەكتەگى ەكيپاجدارى ۇشقىشتىق تەحنيكاسىن جەتىلدىرۋ, كۇردەلى مەتەورولوگيالىق جاعدايلاردا وقۋ-جاۋىنگەرلىك مىندەتتەردى ورىنداۋ, سونداي-اق جەر ءۇستى جانە اۋە نىساندارىنا قارسى جاۋىنگەرلىك قولدانۋ بويىنشا جاتتىعۋلاردى كەزەڭ-كەزەڭىمەن پىسىقتادى.
اۋە شابۋىلىنا قارسى قورعانىس اسكەرلەرىنىڭ بولىمشەلەرى مەن اسكەري بولىمدەرىندە 760 جاۋىنگەرلىك ۇيلەستىرۋ ءىس-شاراسى وتكىزىلدى. اسكەري-تەڭىز كۇشتەرىندە ەسەپتى كەزەڭدە 188 رەت تەڭىزگە شىعۋ جۇزەگە اسىرىلىپ, كەمە ەكيپاجدارىنىڭ جالپى ءجۇزۋ قاشىقتىعى 25 مىڭ تەڭىز ميلىنەن استى.
قارۋلى كۇشتەردىڭ تۇرلەرى, اسكەر تەكتەرى مەن ارنايى اسكەرلەر بولىمشەلەرىن ۇيلەستىرۋدىڭ قورىتىندى كەزەڭدەرىندە شامامەن 4,5 مىڭ جاۋىنگەرلىك اتىس پەن تاكتيكالىق وقۋ-جاتتىعۋ وتكىزىلدى. ءىس-شارالار بارىسىندا ءارتۇرلى جاعدايلاردا وقۋ-جاۋىنگەرلىك مىندەتتەردى تىكەلەي ورىنداۋ ماسەلەلەرى ارنالىمىنا سايكەس پىسىقتالدى.
سونىمەن قاتار جىل ىشىندە «ايبالتا», «دەسانت», «جاۋىنگەرلىك دوستاستىق», «كاسپي ءبريزى» سىندى ءىرى جەدەل-ستراتەگيالىق, جەدەل-تاكتيكالىق جانە ارنايى وقۋ-جاتتىعۋلار ءوتتى. ولاردىڭ اياسىندا قارۋلى كۇشتەردىڭ تۇرلەرى مەن اسكەر تەكتەرىنىڭ بولىمشەلەرىنىڭ ءوزارا ءىس-قيمىلى پىسىقتالىپ, سوڭعى جىلدارداعى اسكەري قاقتىعىستار تاجىريبەسىن تالداۋ نەگىزىندە ازىرلەنگەن بولىمشەلەردى قولدانۋدىڭ جاڭا نىساندارى مەن تاكتيكالىق تاسىلدەرى سىناقتان وتكىزىلدى. بۇل جۇمىس جۇيەلى تۇردە جۇرگىزىلۋدە.
