اقتاۋ. 23 اقپان. ماڭعىستاۋ ونەرپازدارى, ياعني مۇرات وسكىنباي ۇلى اتىنداعى ماڭعىستاۋ وبلىستىق فيلارمونياسىنىڭ ونەر ۇجىمى تۇرىكمەنستان رەسپۋبليكاسىندا كونتسەرت بەردى. بۇل تۋرالى egemen.kz ءتىلشىسى حابارلادى.
تۇركمەنباشي قالاسىندا «تۇرىكمەنستان جانە قازاقستان كوشباسشىلارىنىڭ ۇلى جىبەك جولىن جانداندىرۋداعى ءرولى» اتتى عىلىمي - تاجىريبەلىك كونفەرەنتسياعا جانە ەكى ەل ونەرپازدارىنىڭ قاتىسۋىمەن بولاتىن «تۇرىكمەنستان مەن قازاقستان رەسپۋبليكاسى اراسىنداعى شەكارا – باۋىرلاستىق شەكاراسى, عاسىرلىق دوستىق پەن بەيبىتشىلىك شەكاراسى» اتتى كونتسەرتكە قازاقستاندىق ونەرپازدار شاقىرتۋ العان بولاتىن.
تۇرىكمەنستان پرەزيدەنتى گ.بەردىمۇحامەتوۆتىڭ ەكى ەل اراسىنداعى شەكارالىق ىنتىماقتاستىقتى جانداندىرۋ ماقساتىنداعى «بەيتاراپتىق پەن بەيبىتشىلىك» جىلىنا سايكەس بەرىلگەن تاپسىرمالارى اياسىندا وتكەن ءىس-شارادا م.وسكىنباەۆ اتىنداعى ماڭعىستاۋ وبلىستىق فيلارمونياسىنىڭ «اقجارما» فولكلورلىق ءانسامبلى مەن بي توبى ءوز ونەرىن كورسەتتى.
قۇرمانعازى اتىنداعى قازاق ۇلتتىق كونسەرۆاتورياسىنىڭ پروفەسسورى, مادەنيەت قايراتكەرى اماندىق كومەك ۇلى قازاق تىلىندە ونەر كورسەتىپ قانا قويماي, تۇرىكمەن ۇلتتىق اسپابى «دۋتار» سۇيەمەلىمەن تۇرىكمەنشە جىرلادى.
كونتسەرتتە تۇرىكمەن ىرعاعىنداعى بىرنەشە كۇيلەر ورىندالىپ, كونتسەرت ەكى ەلدىڭ بىرلەسكەن بي ۇجىمىنىڭ ساحنالاندىرىلعان بي قويىلىمىمەن اياقتالدى.
قازاقستان دەلەگاتسياسىمەن بارعان ونەرپازداردى تۇركمەنباشي قالاسىنداعى قازاقستان رەسپۋبليكاسىنىڭ ەلشىسى مۇحيت سوۆەت ۇلى ورازاەۆ جانە تۇرىكمەنستاننىڭ بالقان ءۋالاياتى اكىمدىگى وكىلدەرى قارسى الىپ, قۇرمەتپەن شىعارىپ سالدى.
گۇلايىم شىنتەمىرقىزى.
دەرەك, سۋرەت: egemen.kz.
