فوتو: اقوردا
وتكەن اپتادا جاپونياعا جاساعان رەسمي ساپارى بارىسىندا توكيو گۋبەرناتورىمەن كەزدەسكەنىن ەسكە سالعان مەملەكەت باسشىسى, قوس تاراپ تسيفرلىق تەحنولوگيالار سالاسىندا ىنتىماقتاستىق ورناتۋعا كەلىسكەنىن جەتكىزدى.
«جاپونيا وزىق شەشىمدەردى مەملەكەتتىك باسقارۋ سالاسىنا ەنگىزۋ تۇرعىسىنان زور تابىسقا جەتىپ وتىر. ءبىز وسى باعىتتا تاجىريبە الماساتىن بولدىق», دەدى قاسىم-جومارت توقاەۆ.
پرەزيدەنتتىڭ تاپسىرماسىنا سايكەس, استانادا Smart City جوباسى اياسىندا جاقىن ارادا جەدەل باسقارۋ ورتالىعى ىسكە قوسىلۋى ءتيىس.
«جاقىن ارادا جەدەل باسقارۋ ورتالىعى ىسكە قوسىلادى. قالاداعى بەينەكامەرالاردىڭ جۇمىسى جانە باسقا دا قىزمەتتەر وسى ورتالىقتان باسقارىلادى. بۇل جۇيە ءتۇرلى قاۋىپ-قاتەرگە دەر كەزىندە نازار اۋدارۋعا جانە كەلەڭسىز وقيعالاردىڭ الدىن الۋعا مۇمكىندىك بەرەدى. قازىر پلاتفورمانى ىسكە قوسۋ ءۇشىن دەرەكتەردى تالداۋ ورتالىعى سالىنىپ جاتىر. وسى تسيفرلىق ينفراقۇرىلىمدى قۇقىق قورعاۋ ورگاندارى دا قولدانا الادى. سول ارقىلى قالانىڭ قاۋىپسىزدىگىن كۇشەيتۋگە مۇمكىندىك تۋادى. «زاڭ جانە ءتارتىپ» قاعيداتى ءىس جۇزىندە جۇمىس ىستەۋگە ءتيىس», دەدى پرەزيدەنت.
مەملەكەت باسشىسى استانا اكىمىنە اتالعان جۇمىستى تەزدەتىپ اياقتاۋدى تاپسىرىپ, مۇنداي تسيفرلىق پلاتفورمالاردى ەلىمىزدىڭ باسقا قالالارىندا دا ەنگىزۋ قاجەتتىگىن ايتتى.
قاسىم-جومارت توقاەۆ استانانى دامىتۋ جونىندەگى كەڭەستە ءسوز سويلەدى
بۇل جۇمىستى جاساندى ينتەللەكت جانە تسيفرلىق دامۋ مينيسترلىگى ۇيلەستىرەتىن بولادى.
