ماڭعىستاۋدا مۇگەدەك قىزدى جابىرلەگەن شەتەلدىك ۇستالدى

اقتاۋ. 23 اقپان. ماڭعىستاۋ وبلىسىنىڭ مۇنايشى اۋىلىندا 14 جاسار مۇگەدەك قىزدى زورلادى دەگەن كۇدىكپەن وزبەكستان رەسپۋبليكاسىنىڭ ازاماتى ۇستالدى. بۇل تۋرالى egemen.kz ءتىلشىسى حابارلادى. ءۇي-ءۇيدى ارالاپ, شاڭسورعىشقا جارناما جاساپ كەلگەن جىگىتتەن قىز ۇيدە اناسىنىڭ جوق ەكەندىگىن, مۇنداي ماسەلەلەردى ءوزى شەشە المايتىندىعىن, سوندىقتان ۇيدەن شىعۋىن تالاپ ەتكەن. قىزدىڭ ۇيدە جالعىزدىعىنا كوزى جەتكەن جىگىت قىزعا شابۋىل جاساپ, زورلاپ, وقيعا ورنىنان بوي تاسالاپ كەتەدى. پسيحونەۆرولوگيالىق ەسەپتە تۇراتىن قىزىنىڭ جاعدايىنا كوز جەتكىزگەن 38 جاستاعى اناسى دارىگەرلەردىڭ كومەگىنە جۇگىنەدى, دارىگەرلەر قىزدىڭ زورلانعاندىعىن دالەلدەيدى. قۇقىققورعاۋ ورىندارىنا شاعىمدانعان اناسىنىڭ ارىزى بويىنشا كۇدىكتى ۇستالادى, ول 22 جاستاعى وزبەكستان رەسپۋبليكاسىنىڭ ازاماتى بولىپ شىقتى. قازىرگى تاڭدا كۇدىكتى ۋاقىتشا قاماۋ ۇستاۋ اباقتىسىنا قامالىپ, ۇستىنەن قىلمىستىق ءىس قوزعالىپ, تەرگەۋ امالدارى جۇرۋدە. گۇلايىم شىنتەمىرقىزى. دەرەك, سۋرەت: egemen.kz.