فوتو: قازاقستاندا جاسالعان تاۋار بەلگىسى: ساۋدا جانە ينتەگراتسيا مينيسترلىگىنىڭ رەسمي سايتى
«ونەركاسىپتىك ساياسات تۋرالى» زاڭعا ەنگىزىلگەن تۇزەتۋلەرگە سايكەس, پريوريتەتتى نەگىزدە ساتىپ الۋلارعا قاتىسۋ جانە مەملەكەتتىك قولداۋ الۋ تەك وسى رەەسترگە ەنگەن كومپانيالارعا عانا مۇمكىن بولماق.
ساتىپ الۋلارعا جانە مەملەكەتتىك قولداۋعا قول جەتكىزۋ شارتتارى:
نەگىزگى شارت – قازاقستان تەرريتورياسىندا ناقتى ءوندىرىسى راستالعان بولۋى ءتيىس.
تىزىلىمدە تىركەلۋ ءۇشىن ەتسق ارقىلى قول قويىلعان ءوتىنىمدى بەرۋ, ءوندىرىستى تەكسەرۋدەن جانە باعالاۋدان ءوتۋ قاجەت. تىركەۋ e-ondiris.gov.kz پلاتفورماسى ارقىلى ونلاين رەجيمىندە جۇزەگە اسىرىلادى.
مالىمەتتەردىڭ ءبىر بولىگى مەملەكەتتىك دەرەكتەر بازاسىنان اۆتوماتتى تۇردە جۇكتەلەدى, جەتىسپەيتىن قۇجاتتاردى ءوتىنىش بەرۋشى ءوزى جۇكتەيدى. جۇيە «تسيفرلىق ىزدەر» بويىنشا تسيفرلىق ۆەريفيكاتسيا جۇرگىزەدى, ياعني وندىرىستىك الاڭداردى, جابدىقتاردى, رۇقسات بەرۋ قۇجاتتارىن, جەتكىزۋ تىزبەگىن, سونداي-اق ەلەكتروندىق شوت-فاكتۋرالار مەن كەدەندىك ستاتيستيكا دەرەكتەرىن تالدايدى.
سىرتقى ەكونوميكالىق قىزمەتتىڭ تاۋار نومەنكلاتۋراسىنىڭ ءاربىر كودى بويىنشا (بارلىعى 3 371 تاۋار توبى) تەحنولوگيالىق وپەراتسيالارعا جانە وقشاۋلاۋدىڭ ەڭ تومەنگى دەڭگەيىنە قويىلاتىن تالاپتار بەلگىلەنگەن.
تىزىلىمگە ەنگىزىلگەننەن كەيىن قاتىسۋشى مارتەبەسىن ساقتاۋ ءۇشىن مونيتورينگ كوزدەلگەن.
بەينەروليكتە تىركەۋدەن باستاپ تىزىلىمگە ەنگىزۋگە دەيىن جانە قاتىسۋشى مارتەبەسىن ساقتاۋ ءۇشىن ودان كەيىنگى مونيتورينگكە دەيىنگى رەتى كورسەتىلگەن نۇسقاۋلىق بەرىلگەن.
