قوستانايدا «ماسلەنيتسا» مەرەكەلەندى

قوستاناي. 23 اقپان. قوستانايدا «ماسلەنيتسا» حالىقتىق مەرەكەسى تويلاندى. ورتالىق الاڭعا قىستى شىعارىپ سالىپ, كوكتەم نىشانىن كورۋگە جۇزدەگەن قوستانايلىقتار جينالدى. بۇل تۋرالى kostnews.kz حابارلادى. ماسلەنيتسا – قىس قاھارىنىڭ ازايىپ, كوكتەم شۋاعى بىلىنە باستاعانىنا ادامدار قۋانىشىن بىلدىرەتىن ەجەلگى حالىقتىق مەرەكە. بۇل مەرەكەنىڭ ەجەلدەن تەرەڭ فيلوسوفيالىق ءمانى بار. ءومىر ادامعا كۇرەسپەن كەلەتىنىن بىلدىرەدى. مەرەكە قاھارلى قىستى قىمتىرىلىپ وتكىزگەن سوڭ, ايازدىڭ سىنىپ, كۇننىڭ كوتەرىلىپ, شۋاعىن مولايتا باستاعانىنا قۋانعان ادامدار كوڭىل-كۇيىن بىلدىرەدى. «ماسلەنيتسا» مەرەكەسىندە حالىقتىق داستۇرلەر, حالىقتىڭ بولمىسى كورىنەدى. ءدامدى دە, مايلى قۇيماق مەرەكەنىڭ باستى بەلگىسى, قىستىڭ كەتكەنىن قۋىرشاق-ت ۇلىپ ورتەۋمەن سيپاتتايدى. ال حريستيان ءدىنى ۇستانۋشىلار ءۇشىن قۇيماققا توياتىن اپتادان كەيىن ۇلكەن پوست باستالادى. «ماسلەنيتسا» مەرەكەسىندە ارقان تارتۋ, گىر كوتەرۋ, سىپىرعى ۇرۋ, جالماۋىز كەمپىردى ءسۇيۋ, تاعا ولشەۋ سەكىلدى ءتۇرلى حالىقتىق ويىندار وينالدى. ۇلكەن-كىشى قۇيماققا تويىپ, ويىن ويناپ, ايازدى قىستى دۋىلداتىپ شىعارىپ سالدى. ءنازيرا جارىمبەتوۆا. دەرەك, سۋرەت: kostnews.kz.