فوتو: اشىق دەرەككوز
مينيستر باعانىڭ ناقتى قانشا تەڭگەگە ارزاندايتىنىن ءدوپ باسىپ ايتپاعانىمەن, بۇل قادامنىڭ وڭ اسەرى بولاتىنىنا سەنىمدى.
«مەن بولجام جاساۋمەن اينالىسپايمىن, بىراق بۇل سيىر ەتىنىڭ باعاسىن تۇراقتاندىرۋعا اسەر ەتەتىنى ءسوزسىز. ەڭ باستىسى − 2026 جىل مال شارۋاشىلىعىن بەلسەندى دامىتۋ جىلى بولادى. ءبىز ەكى جىل بويى وسىمدىك شارۋاشىلىعىنا بارىنشا كوڭىل ءبولىپ, جاقسى ءونىم الدىق. ەندى وسىنداي اۋقىمدى جۇمىس مال سالاسىندا كۇتىپ تۇر», دەدى سەرىك جۇمانعارين ۇكىمەت بريفينگىندە.
ەسكە سالساق, بۇعان دەيىن قازاقستاندا 2025 جىلدىڭ 31 جەلتوقسانىنا دەيىن ءۇشىنشى ەلدەرگە جانە ەاەو ەلدەرىنە 13 مىڭ توننا كولەمىندە سيىر ەتىن (جاڭا, توڭازىتىلعان نەمەسە مۇزداتىلعان) اكەتۋگە ساندىق شەكتەۋلەر (كۆوتالار) ەنگىزىلگەن بولاتىن.
