سىرتقى ىستەر مينيسترلىگى رەسەيمەن جەر الماسۋدى جوققا شىعاردى

استانا. 23 اقپان. قازاقستان سىرتقى ىستەر مينيسترلىگى رەسەيدىڭ قازاقستانعا ءوزارا جەر الماسۋ جونىندە ۇسىنىس جاساعانى تۋرالى اقپاراتتارعا قاتىستى تۇسىنىك بەردى. بۇل تۋرالى Almaty.tv ءتىلشىسى مينيسترلىكتىڭ ءباسپاسوز قىزمەتىنە سىلتەمە جاساي وتىرىپ حابارلادى. «رەسەي فەدەراتسياسى ومبى وبلىسىنىڭ گۋبەرناتورى ۆ. نازاروۆتىڭ قازاقستانمەن تەرريتوريا الماسۋ بويىنشا ۇسىنىسى تۋرالى اقپاراتقا نازار اۋداردىق. قر مەن رف اراسىنداعى مەملەكەتتىك شەكارانى دەماركاتسياعا قاتىستى ماسەلەلەر تەك قانا  بىرلەسكەن قازاقستاندىق-رەسەيلىك كوميسسيانىڭ قۇزىرەتىنە جاتاتىندىعىن حابارلايمىز. وسى كوميسسياداعى رف دەلەگاتسياسى قازاقستانعا مۇنداي ۇسىنىس جاساعان جوق», - دەلىنگەن حابارلامادا. ۆەدومستۆانىڭ اقپاراتى بويىنشا, رەسەيلىك تاراپ ۇسىنىس جاسايتىن بولسا, ماسەلە قالىپتاسقان كەلىسسوزدەر ۇدەرىسى جانە حالىقارالىق تاجىريبەگە سايكەس قاراستىرىلاتىن بولادى. ەستەرىڭىزگە سالا كەتسەك, وسىعان دەيىن قازاقستاندىق باق -تا ومبى وبلىسىنىڭ گۋبەرناتورى ۆيكتور نازاروۆ قازاقستانعا رەسەيدىڭ وڭتۇستىگىندەگى بىرنەشە جەر تەلىمىن بەرۋدى ۇسىندى. ەسەسىنە ول قازاقستاننان ومبى - رۋسسكايا پوليانا تاس جولىنىڭ 10 شاقىرىمعا جۋىق ۋچاسكەسىن سۇرايدى دەگەن اقپارات جاريالانعان بولاتىن. مۇرات ايتقوجا.