فوتو: istockphoto.com
وسىلايشا, وتىننىڭ ءبىر تونناسى ءۇشىن بەكىتىلگەن 59 722 تەڭگە (ققس-سىز) مولشەرىندەگى باعا الداعى كەزەڭدە دە ساقتالادى. بۇل شەشىم ەلدەگى ەنەرگەتيكالىق رەسۋرستاردىڭ قولجەتىمدىلىگىن قامتاماسىز ەتۋ ماقساتىندا قابىلدانعان.
«بۇيرىق «گاز جانە گازبەن جابدىقتاۋ تۋرالى» جانە «ۇلتتىق قاۋىپسىزدىك تۋرالى» زاڭداردىڭ نەگىزىندە قابىلداندى. باعا سۇيىتىلعان مۇناي گازىن ىشكى نارىققا تاۋار بيرجالارىنان تىس جەتكىزۋ جوسپارى اياسىندا بەلگىلەندى», دەلىنگەن قۇجات ماتىنىندە.
ايتا كەتەيىك, بۇيرىقتىڭ ورىندالۋىن قاداعالاۋ سالاعا جاۋاپتى ۆيتسە-مينيسترگە جۇكتەلدى. قۇجات رەسمي تۇردە 2026 جىلدىڭ 1 قاڭتارىنان باستاپ كۇشىنە ەنەدى.
بۇعان دەيىن ەنەرگەتيكا مينيسترلىگى بەنزين مەن گاز باعاسىنا قاتىستى شاعىمداردى قابىلدايتىن ارنايى جەلى اشقان بولاتىن.
