فوتو: REUTERS/ Karam al-Masri
جەتكەن اقپاراتتارعا سايكەس كەمىندە ءۇش تۇرعىن كوز جۇمىپ, 25 ادام جاراقات العان. قاقتىعىس كۇردتەردىڭ باقىلاۋىنداعى شەيح-ماقسۇد جانە اشرافيا اۋداندارىندا بولعان.
اتىس داماسكىدە سيريا پرەزيدەنتى احمەد اش-شاراا مەن تۇركيانىڭ جوعارى لاۋازىمدى وكىلدەرى كەزدەسكەننەن كەيىن بىرنەشە ساعاتتان سوڭ باستالدى. تۇركيانىڭ سىرتقى ىستەر ءمينيسترى حاكان فيدان كۇرد ۇيىمدارى ناۋرىزدا جاسالعان كەلىسىمدى ورىنداۋعا ءالى دە ق ۇلىق تانىتپاي وتىرعانىن ايتتى.
كەلىسىم بويىنشا سيريانىڭ سولتۇستىك-شىعىسىنداعى كۇردتەردىڭ ازاماتتىق جانە قارۋلى قۇرىلىمدارى جىل سوڭىنا دەيىن داماسككە باعىناتىن ورتاق باسقارۋ جۇيەسىنە قوسىلۋى كەرەك ەدى. بىراق تاراپتار ورتاق مامىلەگە كەلە الماي, بۇل جۇمىس كەشەۋىلدەپ قالدى. بۇعان دەيىن قازان ايىندا دا وسى اۋدانداردا قاقتىعىس بولىپ, كەيىن اتىستى توقتاتۋ تۋرالى حابارلانعان.
تۇركيا ءوز شەكاراسىنىڭ ءدال جانىندا قارۋلى كۇرد جاساقتارىنىڭ كۇشەيىپ كەتۋىن ەل قاۋىپسىزدىگىنە تونگەن قاۋىپ دەپ قابىلدايدى. سول سەبەپتى انكارا سيرياداعى سوعىس كەزىندە بىرنەشە رەت شەكاراعا جاقىن ايماقتارعا اسكەر كىرگىزگەن. ال سيريانىڭ سىرتقى ىستەر ءمينيسترى اساد اش-شايباني داماسك كۇرد كۇشتەرىنىڭ بىرىگۋگە قاتىستى جاۋابىن العانىن, قازىر ونىڭ ەلدىڭ بىرتۇتاستىعىنا ساي كەلەتىن-كەلمەيتىنىن قاراپ جاتقانىن ايتتى.
