وسىلايشا ءوڭىر تۇرعىندارىنىڭ 97,1%-ى تابيعي گازبەن قامتاماسىز ەتىلدى.
ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ باسشىسى ەرجان مۇزدىباەۆتىڭ حابارلاۋىنشا, كەزەڭ-كەزەڭىمەن ىسكە اسىرىلعان جۇمىستار ناتيجەسىندە وسى كەزگە دەيىن اقتوبە وبلىسىنداعى 319 اۋىلدىڭ 203-ءى ورتالىقتاندىرىلعان گاز قۇبىرىنا قوسىلدى.
جەلتوقساننىڭ سوڭعى ونكۇندىگىندە اقتوبە قالاسىنان 460 شاقىرىم قاشىقتىقتا ورنالاسقان بايعانين اۋدانىنىڭ ويماۋىت اۋىلىنا گاز قۇبىرىنىڭ تارتىلۋى 800 تۇرعىننىڭ كوپتەن كۇتكەن قۋانىشىنا اينالدى. ويماۋىتقا گاز تارتۋ جوباسىنا رەسپۋبليكالىق بيۋدجەتتەن 8 ملرد 300 ملن تەڭگە ءبولىندى. ەرتە كوكتەمدە باستالعان جۇمىس كۇزگى لايساڭ مەن قىستىڭ العاشقى ايىنداعى اۋا رايىنىڭ قولايسىزدىعىنا قاراماي توقتاۋسىز ءجۇردى.
وسىلايشا تاپسىرىس بەرۋشى مەكەمە مەن مەردىگەردىڭ ۇيلەستىرىلگەن جۇمىستارى ناتيجەسىندە بيىل جوبالانعان 28 اۋىلدىڭ ورنىنا 31 اۋىل گاز قۇبىرىنا قوسىلدى.
اقتوبە وبلىسى
