فوتو: istockphoto.com
بۇل تۋرالى ونەركاسىپ جانە قۇرىلىس ۆيتسە-ءمينيسترى يران شارحان ۇكىمەتتە وتكەن ءباسپاسوز ءماسليحاتىندا مالىمدەدى. ونىڭ مالىمەتىنشە, 2025 جىلعى زەرتتەۋلەر ناتيجەسىندە ەلىمىزدىڭ قورى 98 توننا التىنمەن, 36 مىڭ توننا مىسپەن جانە 1,3 ميلليون توننادان استام فوسفوريتپەن تولىققان.
ەل كارتاسىندا پايدا بولعان جاڭا بايلىق كوزدەرى – كوكجون, التىن-شوكو, سامومبەت, ستۋدەنچەسكي جانە تاقىر-قالجىر كەن ورىندارى ەندى رەسمي تۇردە مەملەكەت مەنشىگىندە. سونىمەن قاتار قاراعاندى وبلىسىندا الەمدىك نارىقتا سۇرانىسقا يە سيرەك كەزدەسەتىن مەتالداردىڭ جاڭا ۋچاسكەسى تابىلدى.
ء«بىز جەر قويناۋىن زەرتتەۋ اۋقىمىن كەڭەيتىپ جاتىرمىز. 2026 جىلعا قاراي زەرتتەلگەن اۋماق كولەمىن 2,2 ميلليون شارشى شاقىرىمعا جەتكىزەمىز», دەدى يران شارحان.
قازىنانى ىزدەۋ جۇمىستارى مۇنىمەن توقتامايدى. ۇكىمەت گەولوگيالىق بارلاۋدىڭ جاڭا دەڭگەيىنە ءوتۋ ءۇشىن رەزەرۆتەن 240 ميلليون تەڭگەء بولدى. ەندىگى كەزەكتە ۇلتتىق گەولوگيالىق قىزمەت زاماناۋي اەروگەوفيزيكالىق تەحنولوگيالاردى قولدانىپ, جەر استىنداعى بايلىقتى اۋەدەن-اق انىقتايتىن بولادى.
2026-2028 جىلدار ارالىعىندا تاعى 100 مىڭ شارشى شاقىرىم جەردى ەگجەي-تەگجەيلى تەكسەرۋ جوسپارلانىپ وتىر.
