ينتەرۆەنتسيالىق باعدارلاما وتاندىق اگرارشىلاردى قولداۋدىڭ فورۆاردتىق قارجىلاندىرۋدان كەيىنگى ەڭ سۇرانىسقا يە ەكىنشى تەتىگى جانە اۋىل شارۋاشىلىعى ءونىمىن ءادىل باعادا كەپىلدى وتكىزۋگە مۇمكىندىك بەرەدى.
بيىل ساتىپ الىناتىن داقىلداردىڭ تىزبەسى كەڭەيتىلدى. بيداي مەن ارپادان بولەك, ۇلتتىق وپەراتور فەرمەرلەردەن كۇنباعىس, مايلى زىعىر جانە قاراقۇمىق قابىلدايدى.
بۇل رەتتە ءبىر اۋىل شارۋاشىلىعى ءوندىرۋشىسى بارلىق داقىل تۇرلەرى بويىنشا جيىنتىق كولەمدە ازىق-ت ۇلىك كەلىسىمشارت كورپوراتسياسىنا 3 000 توننادان ارتىق ءونىم تاپسىرا المايدى.
ققس-تى ەسكەرە وتىرىپ, تىكەلەي ساتىپ الۋ باعدارلاماسى بويىنشا الدىن الا باعالار تومەندەگىدەي:
- 3-سىنىپتى بيداي (جەلىمتەك 27%+) - 115 000 تەڭگە;
- 3-سىنىپتى بيداي (جەلىمتەك 25%+) - 94 000–96 000 تەڭگە;
- 3-سىنىپتى بيداي (جەلىمتەك 23%+) - 90 000–92 000 تەڭگە;
- 4-سىنىپتى بيداي (جەلىمتەك 18%+) - 78 000 تەڭگە;
- 4-سىنىپتى بيداي (جەلىمتەك 20%+) - 80 000 تەڭگە;
- 5-سىنىپتى بيداي (جەلىمتەك 18%+) - 70 000 تەڭگە;
- 2-سىنىپتى ارپا (ناتۋراسى 630 گ/ل) - 78 000 تەڭگە;
- كۇنباعىس (مايلىلىعى 40%) - 205 000 تەڭگە;
- كۇنباعىس (مايلىلىعى 45%) - 210 000 تەڭگە;
- زىعىر تۇقىمى - 215 000 تەڭگە;
- قاراقۇمىق - 90 000 تەڭگە.
باعدارلاماعا ۇلتتىق وپەراتوردىڭ جانە ونىڭ اففيليرلەنگەن تۇلعالارىنىڭ بارلىق قارجىلاندىرۋ قۇرالدارى بويىنشا قولدانىستاعى نەمەسە ۇزارتىلعان مىندەتتەمەلەرى جوق فەرمەرلەر مەن اگروقۇرىلىمدار عانا قاتىسا الادى.
اۋىل شارۋاشىلىعى تاۋار ءوندىرۋشى مارتەبەسىن راستاۋ جانە ءوتىنىم بويىنشا استىقتى ساتىپ الۋ كولەمىن ايقىنداۋ ءۇشىن الەۋەتتى جەتكىزۋشى 2025 جىلعا ارنالعان "بارلىق جەردەن اۋىل شارۋاشىلىعى داقىلدارىنىڭ جينالۋى تۋرالى" انىقتامانى جانە ۋاكىلەتتى مەملەكەتتىك ورگان راستاعان اتتاس ەسەپتى ۇسىنۋى ءتيىس.
تىكەلەي ساتىپ الۋ باعدارلاماسىنا قاتىسۋعا وتىنىمدەردى ازىق-ت ۇلىك كەلىسىمشارت كورپوراتسياسىنىڭ وڭىرلىك وكىلدىكتەرى قابىلدايدى.
