مارقۇم 14 جەلتوقسان كۇنى قاسىنداعى بىرنەشە ازاماتپەن اڭشىلىققا شىعىپ كەتكەن. 15 جەلتوقساندا ساعات 23:00–دە اتىراۋ وبلىسى تجد جەدەل باسقارۋ ورتالىعىنا 1964 جىلى تۋعان ازاماتتىڭ حابار-وشارسىز كەتكەنى تۋرالى حابارلاما تۇسكەن. اقپارات تۇسكەن ساتتەن باستاپ ىزدەستىرۋ-قۇتقارۋ جۇمىستارى ۇيىمداستىرىلدى.
– 16 جەلتوقساندا جىلىوي اۋدانى اۋماعىنداعى بوتاحان كەن ورنىنان 30 شاقىرىم قاشىقتىقتا ۋاز ماركالى اۆتوكولىك تابىلدى. الايدا كولىك ىشىندە جوعالعان ازامات بولمادى. وسىعان بايلانىستى اتالعان اۋماقتا اۋە بارلاۋىن جۇرگىزۋ ءۇشىن تجم تىكۇشاعى تارتىلىپ, 20 شاقىرىم راديۋستاعى جەر اۋماعى تەكسەرىلدى. ىزدەستىرۋ جۇمىستى 4 كۇن بويى جۇرگىزىلدى, – دەپ حابارلادى تجد ءباسپاسوز قىزمەتى.
تجد كۇشتەرى مەن قۇرالدارى, قر قم 99245 اسكەري ءبولىمىنىڭ جەكە قۇرامى, پوليتسيا دەپارتامەنتىنىڭ قىزمەتكەرلەرى جانە تۋىستارىنان جالپى 100 ادام, 21 تەحنيكا, 2 كينولوگيالىق ەسەپتوپ ىزدەستىرۋ جۇمىسىنا جۇمىلدىرىلعان ەدى.
اتىراۋ وبلىستىق پوليتسيا دەپارتامەنتىنىڭ ءباسپاسوز قىزمەتى ءتيىستى تەكسەرىس جۇمىسى جالعاسىپ جاتقانىن مالىمدەدى.
