فوتو: اشىق دەرەككوز
ۆەدومستۆونىڭ حابارلاۋىنشا, جۇرگىزۋشى كۋالىكتەرىن بەرۋ جانە اۋىستىرۋ ءتارتىبى وزگەرگەن جوق. الەۋمەتتىك جەلىلەردە قولدانىلۋ مەرزىمى الداعى ءتورت جىلدا اياقتالاتىن قۇجاتتاردى الدىن الا جاڭارتۋ كەرەك دەگەن قاۋەسەت تاراعان بولاتىن. الايدا پوليتسيا بۇل مالىمەتتى رەسمي تۇردە تەرىسكە شىعاردى.
«اتالعان كۋالىك تەك ولاردىڭ جارامدىلىق مەرزىمى اياقتالعان جاعدايدا جانە قولدانىستاعى بەلگىلەنگەن تارتىپكە سايكەس اۋىستىرىلادى. قوسىمشا تالاپتار, سونىڭ ىشىندە قايتا ەمتيحان تاپسىرۋ نەمەسە قانداي دا ءبىر شەكتەۋلەر قاراستىرىلماعان», دەلىنگەن حابارلامادا.
ءىىم ازاماتتاردان اقپاراتتى تەك رەسمي دەرەككوزدەردەن تەكسەرۋدى جانە قۇزىرلى ورگان كورىنەۋ جالعان اقپارات تاراتقانى ءۇشىن قىلمىستىق جاۋاپكەرشىلىك قاراستىرىلعانىن ەسكەرتتى.
