فوتو: ادىلەت مينيسترلىگى
ادىلەت مينيسترلىگىنىڭ مالىمەتىنشە, «س» ەسىمدى ازامات تەز ەريتىن كوفەنى قاراپايىم گاراجدىڭ ىشىندە دايىنداعان. تەكسەرۋ بارىسىندا كۇماندى ساپاداعى شيكىزاتتىڭ دايىن قاپتارمەن ساتىپ الىنعانى بەلگىلى بولدى. ول جەردە كوفەنى تەرموتىگىس ارقىلى ىدىستارعا قۇيۋ, وراۋ جانە وزگە كومپانيانىڭ تاۋار بەلگىسىن زاڭسىز جاپسىرۋ جۇمىستارى جۇرگىزىلىپ كەلگەن. دايىن بولعان كونترافاكتىلىك ونىمدەر قالاداعى شاعىن دۇكەندەر مەن بولشەك ساۋدا نۇكتەلەرى ارقىلى تاراتىلعان.
«تەكسەرۋ ناتيجەسىندە قۇقىق بۇزۋشىدان «MacCoffee» 3/1 تاۋار بەلگىسى بار 4000-نان استام وراما بىرلىگى, سونداي-اق ءوندىرىس جابدىقتارى (تەرموتىگىس, تارازى, دايىن 3/1 كوفەنىڭ قاپتاماسى) تاركىلەندى. قۇقىق يەلەنۋشىنىڭ رەسمي مالىمدەمەسىنە سايكەس, تاركىلەنگەن كونترافاكتىلىك ءونىم ساپا ستاندارتتارىنا سايكەس كەلمەيتىنى جانە تۇتىنۋشىلاردىڭ دەنساۋلىعى مەن ومىرىنە تىكەلەي قاۋىپ ءتوندىرۋى مۇمكىن ەكەنى حابارلاندى», دەلىنگەن حابارلامادا.
قازىرگى ۋاقىتتا كۇدىكتىگە قاتىستى ءىس قوزعالىپ, تەكسەرۋ ماتەريالدارى تۇپكىلىكتى شەشىم شىعارۋ ءۇشىن سوتقا جولدانعان.
