فوتو: ۇكىمەتتىڭ ءباسپاسوز قىزمەتى
2025 جىلدىڭ قورىتىندىسى بويىنشا نەگىزگى وڭدەۋ سالالارى ديناميكاسى مەتاللۋرگيا سالاسىندا بولجامدى ءوسىم (وڭدەۋ قۇرىلىمىندا 40%) – 1,1% , ماشينا جاساۋ (17,5%) – 12%, تاماق ونەركاسىبى (13,1%) – 9%, قۇرىلىس ماتەريالىن ءوندىرۋ (5,6%) – 6%, حيميا ونەركاسىبى (5,4%) – 6%, جەڭىل ونەركاسىپ (0,7%) – 5%-دى كورسەتكەن.
شتاب وتىرىسىندا نەگىزگى ەكونوميكالىق ءوسۋ درايۆەرىنىڭ ءبىرى رەتىندە وڭدەۋ ونەركاسىبىن ودان ءارى دامىتۋ بولجامىنا ەرەكشە نازار اۋدارىلدى. ءتۇستى جانە قارا مەتاللۋرگيانى دامىتۋ پەرسپەكتيۆاسى, «بايتەرەك» حولدينگى جەلىسى بويىنشا قارجىلاندىرىلاتىن جوبالاردى ىسكە اسىرۋ, وڭىرلەردەگى ينفراقۇرىلىمنىڭ جاي-كۇيى جانە سالا ءوسىمىنىڭ تۇراقتىلىعىنا اسەر ەتەتىن باسقا دا فاكتورلار قارالدى.
وڭىرلەردىڭ رەسۋرستىق جانە ينفراقۇرىلىمدىق الەۋەتىن نەعۇرلىم ءتيىمدى پايدالانۋ قاجەت ەكەندىگىن ەسكەرە وتىرىپ, ۆيتسە-پرەمەر ەكونوميكالىق ءوسۋ ءۇشىن اسا ماڭىزدى وڭدەۋ ونەركاسىبىندەگى ءوسۋ قارقىنىن قامتاماسىز ەتۋ جونىندەگى جول كارتاسىن دايىنداۋدى تاپسىردى. ساۋدا-ساتتىقتا نەسيەلىك كرەديتتىك يندەكس (نكي) 11 ايدا 8,8% وسكەن بولاتىن. وسى كورسەتكىشتى ەسكەرگەندە جىل قورىتىندىسى بويىنشا (نكي) – 8,9% بولۋى مۇمكىن.
ساۋدانىڭ وسۋىنە جيناقتالعان ۇلەستىڭ شامامەن 72%-ىن بەس ايماق قامتاماسىز ەتەدى: الماتى – 24,6 ترلن تەڭگە (اۆتوموبيلدەر, ماشينالار مەن جابدىقتار ساۋداسى, فارماتسەۆتيكالىق ونىمدەر, شوكولاد); استانا – 10,9 ترلن تەڭگە (تابيعي گاز, ديزەل وتىنى, اۆياتسيالىق بەنزين مەن كەروسين, ەت جانە ءسۇت ونىمدەرىن ساتۋ); اتىراۋ وبلىسى – 6,7 ترلن تەڭگە (مۇناي ونىمدەرى, ماشينالار مەن جابدىقتار); قاراعاندى وبلىسى – 4,5 ترلن تەڭگە (فارماتسەۆتيكالىق تاۋارلار, ماشينالار مەن جابدىقتار, كوسمەتيكالىق ونىمدەر); شىمكەنت – 3,6 ترلن تەڭگە (فارماتسەۆتيكالىق ءونىم, ججم, اوك ءونىمى).
760 مىڭعا جۋىق بيزنەس سۋبەكتىسى بار بولشەك ساۋدا قۇرىلىمىندا جەكە كاسىپكەرلەردىڭ تاۋار اينالىمى – 10%-عا ءوسىپ, 8,2 ترلن تەڭگەگە جەتتى. جەدەل دەرەكتەر بويىنشا, 11 ايداعى ونلاين ساتۋ كولەمى – 3,3 ترلن تەڭگە. بۇل وتكەن جىلعى سايكەس كەزەڭمەن سالىستىرعاندا – 14,4%-عا ارتىق.
اۋىل شارۋاشىلىعى بارلىق باعىت بويىنشا تۇراقتى ءوسۋدى كورسەتىپ وتىر. 11 ايداعى قورىتىندى بويىنشا نكي – 106,1%. ءوسۋ جىل قورىتىندىسى بويىنشا – 5% دەڭگەيىندە بولۋى ىقتيمال. بۇل جوسپارلى كورسەتكىشتەن 3%-عا ارتىق.
ورتاشا رەسپۋبليكالىق دەڭگەيدەن جوعارى ءوسۋ اقمولا (115,7%), قوستاناي (115,4%), سولتۇستىك قازاقستان (110,5%), پاۆلودار (108,2%), اتىراۋ وبلىستارىندا (107,4%) تىركەلگەن.
