ىشكى ىستەر ءمينيسترىنىڭ ورىنباسارى يگور لەپەحا بەتتى جاسىراتىن كيىمگە قاتىستى شەكتەۋلەردى كوزدەيتىن زاڭنىڭ قالاي قولدانىلاتىنىن ءتۇسىندىردى.
«مىسالى, مەديتسينالىق كورسەتىلىمدەر بويىنشا قانداي دا ءبىر ەرەكشەلىكتەر قاراستىرىلا ما؟ مۇنداي جاعدايلار ناقتى قۇقىق بۇزۋشىلىقتان ءىس جۇزىندە قالاي اجىراتىلادى؟» دەپ سۇرادى جۋرناليستەر ۆيتسە-مينيستردەن.
– ءاربىر جاعداي جەكە-جەكە قارالادى. ايتالىق, تۇماۋ ىندەتى بولىپ, ءسىز بەتپەردە تاعىپ جۇرسەڭىز, قانداي سۇراق بولۋى مۇمكىن؟ اڭگىمە مۇلدە باسقا جايتتار تۋرالى. شارتتى تۇردە ايتساق, ەستەرىڭىزدە بولار: الماتىدا فۋتبول جانكۇيەرلەرى ماسكا كيىپ, فاەرلەر جاعىپ, بالاعات سوزدەر ايتىپ, جالپى العاندا ءبىر مارشتاعىداي ارەكەت ەتكەن جاعدايلار كوپ بولدى. بۇل دۇرىس ەمەس. ءبىز ءدال وسىنداي جاعدايلاردى ايتىپ وتىرمىز. جىگىتتەر, ەگەر زاڭ بۇزعىڭىز كەلسە, ءبىلىپ جۇرىڭىزدەر, ءبىزدىڭ كامەرالار سىزدەردى كورىپ تۇر, تانىپ قويادى, ەرتەڭ-اق تابامىز. ءبىز ولاردى قازىردىڭ وزىندە تاۋىپ ءجۇرمىز, بىراق ەندى بۇل الدەقايدا وڭاي بولادى, - دەپ ءتۇسىندىردى ۆيتسە-مينيستر.
ايتۋىنشا, حاتتاما بۇرىس تولتىرىلعان جاعدايدا انىقتاما كورسەتۋگە بولادى.
– ال ەگەر ءسىز شىنىمەن اۋىرىپ جۇرسەڭىز, ارينە, حاتتاما تولتىرىلۋى مۇمكىن, بىراق سوڭىندا اۋرۋ ەكەنىڭىزدى راستايتىن انىقتاما كورسەتە الاسىز. ءبىزدىڭ ويىمىزشا, ءبارى اقىلعا قونىمدى تۇردە جۇزەگە اسادى, – دەدى يگور لەپەحا.
