فوتو: Pinterest.com
ەنەرگەتيكا مينيسترلىگىنىڭ وكىلدەرى OPTI Well تسيفرلىق پلاتفورماسىن ازىرلەگەن RECADO كومپانياسىمەن بىرگە قۇمكول كەن ورنىندا بولىپ, «قازمۇنايگاز» ۇلتتىق كومپانياسىندا ىسكە اسىرىلىپ جاتقان Vanguard AI جوباسىنىڭ ناتيجەلەرىمەن تانىستى. ساپار بارىسىندا جۇمىس ىستەپ تۇرعان ۇڭعىمالاردا جاساندى ينتەللەكتكە نەگىزدەلگەن وتاندىق تسيفرلىق شەشىمدەردىڭ ناقتى وندىرىستە قالاي جۇمىس ىستەيتىنى كورسەتىلدى.
ەرەكشە نازار ەلىمىزدە تولىق ازىرلەنىپ, ەلىمىزدە وندىرىلەتىن ۇڭعىمالىق كونتروللەرگە اۋدى. بۇل قۇرىلعى – وتاندىق ينجەنەرلىك وي مەن تسيفرلىق تەحنولوگيانىڭ ناقتى جەمىسى. مامانداردىڭ ايتۋىنشا, جوبا مۇناي-گاز سالاسىندا وتاندىق ۇلەستى ارتتىرىپ قانا قويماي, ۇلتتىق تەحنولوگيالىق قۇزىرەتتى قالىپتاستىرۋعا جول اشادى.
OPTI Well پلاتفورماسى ۇڭعىمالاردى ناقتى ۋاقىت رەجيمىندە قاشىقتان باقىلاپ, باسقارۋعا مۇمكىندىك بەرەدى. جاساندى ينتەللەكت تەحنولوگيالىق پارامەترلەردى تالدايدى, جۇمىس رەجىمىن وڭتايلاندىرادى, ءوندىرۋ كولەمىن ارتتىرۋعا ىقپال ەتەدى جانە كۇتپەگەن جاعدايلارعا جەدەل ارەكەت ەتۋگە جاعداي جاسايدى. ناتيجەسىندە نىساندارعا ءجيى بارۋ قاجەتتىلىگى ازايىپ, وندىرىستىك تاۋەكەل مەن شىعىن قىسقارادى.
جاساندى ينتەللەكت بەلگىلەنگەن جۇمىس رەجيمىنەن اۋىتقۋدى اۆتوماتتى تۇردە انىقتاپ, جاۋاپتى ماماندارعا دەرەۋ حابار بەرەدى. بۇل تەحنولوگيالىق ىركىلىستەردىڭ الدىن الىپ, مۇناي وندىرۋدەگى جوعالتۋلاردى ازايتۋعا مۇمكىندىك بەرەدى.
ماماندار مۇناي-گاز كەشەنىن تسيفرلىق ترانسفورماتسيالاۋ جانە وتاندىق IT ازىرلەمەلەردى قولداۋ كەرەكتىگىن اتاپ ءوتتى. جوبانى ەلىمىزدىڭ وزگە كەن ورىندارىندا دا كەڭىنەن قولدانۋعا الەۋەتى جوعارى ەكەنى جەتكىزىلدى.
