فوتو: اشىق دەرەككوز
ەۋروپارلامەنتتىڭ Threads الەۋمەتتىك جەلىسىندەگى رەسمي مالىمدەمەسىنە سايكەس, رەسەيدەن كەلەتىن كوگىلدىر وتىن يمپورتىنا قاتىستى ناقتى كەستە بەكىتىلدى. جاڭا جوسپار بويىنشا, 2026 جىلدىڭ باسىنان باستاپ رەسەيلىك سۇيىتىلعان تابيعي گازدى ساتىپ الۋعا بىرتىندەپ تىيىم سالىنا باستايدى.
ال 2027 جىلدىڭ قىركۇيەگىنە قاراي ەۋروپا قۇرلىعى قۇبىر ارقىلى كەلەتىن رەسەيلىك گاز يمپورتىن تولىقتاي توقتاتۋدى كوزدەپ وتىر.
ەۋروپارلامەنت وكىلدەرى بۇل شەشىمنىڭ ساياسي استارىنا دا توقتالىپ ءوتتى. مالىمدەمەدە رەسەيدىڭ ۇزاق جىلدار بويى ەنەرگەتيكالىق رەسۋرستاردى قىسىم كورسەتۋ قۇرالى رەتىندە پايدالانىپ كەلگەنى, اسىرەسە 2022 جىلعى ۋكرايناداعى سوعىستان كەيىن بۇل ماسەلە وتكىر سيپات العانى ايتىلعان.
