فوتو: nacanalytica.kz
تسيفرلاندىرۋ – جىلدىڭ باستى جەتىستىگى
سوڭعى جىلدارى مەملەكەتتىك تسيفرلىق قىزمەتتەردىڭ قولجەتىمدىلىگى ارتتى. 2025 جىلى ازاماتتار ولاردىڭ اسەرىن وتە جوعارى باعالادى.
رەسپوندەنتتەردىڭ 81%-ى تسيفرلاندىرۋدىڭ ارقاسىندا «كۇندەلىكتى ماسەلەلەردى شەشۋ الدەقايدا ىڭعايلى بولدى» دەگەن پىكىر ءبىلدىردى.
بۇل تەك تەحنولوگيالاردىڭ تيىمدىلىگىن كورسەتەتىن كورسەتكىش عانا ەمەس, سونىمەن قاتار تسيفرلىق قىزمەتتەردىڭ كۇندەلىكتى ءومىردىڭ اجىراماس بولىگىنە اينالعانىن ايقىندايدى.
ينفراقۇرىلىمداعى وڭ وزگەرىستەر تۇرعىنداردىڭ نازارىندا
ماڭىزدى كورسەتكىشتەردىڭ تاعى ءبىرى – ينفراقۇرىلىمدى جاڭعىرتۋعا قاتىستى قوعامنىڭ كوزقاراسى. ەل تۇرعىندارى ءۇشىن جىلۋ, سۋ جانە كوممۋنالدىق قىزمەتتەردىڭ ماڭىزى زور. زەرتتەۋ دەرەكتەرى بۇل باعىتتا وڭ وزگەرىستەر بار ەكەنىن كورسەتەدى:
رەسپوندەنتتەردىڭ 75%-ى 2025 جىلى ەسكىرگەن جەلىلەردى قالپىنا كەلتىرۋ ءۇشىن ناقتى شارالار قابىلداندى دەپ سانايدى.
بۇل ناتيجە كەڭ اۋديتوريانىڭ كوزىنە كورىنە بەرمەيتىن ينفراقۇرىلىمدىق جۇمىستاردىڭ ناتيجەسى كۇندەلىكتى ومىردە دە ايقىن بايقالا باستاعانىن بىلدىرەدى.
الەۋمەتتىك ادىلەتتىلىك: قايتارىلعان اكتيۆتەر حالىق يگىلىگىنە قىزمەت ەتۋدە
رەسپوندەنتتەر مەملەكەتتىك ساياساتتىڭ نەگىزگى باعىتتارىنىڭ ءبىرى – قايتارىلعان اكتيۆتەردى الەۋمەتتىك نىساندار سالۋعا پايدالانۋ ءوز اسەرىن تيگىزىپ وتىرعانىن دا اتاپ ءوتتى.
قازاقستان ازاماتتارىنىڭ 57%-ى مۇنداي الەۋمەتتىك نىساندار سانى ارتىپ كەلە جاتقانىنا كەلىسەتىندەرىن ايتقان.
ادامدار ءوز ماڭايىندا سالىنعان مەكتەپتەردى, اۋرۋحانالاردى جانە باسقا دا الەۋمەتتىك نىسانداردى كورگەن كەزدە, ادىلەتتىلىك ساياساتىنىڭ الەۋمەتتىك اسەرى ايقىنىراق بايقالادى. الايدا جاۋاپ بەرۋگە قينالعانداردىڭ ەداۋىر ۇلەسى (15%) بۇل تاقىرىپتى قوعامعا قوسىمشا ءتۇسىندىرۋدى قاجەت ەتەتىنىن كورسەتەدى: كوپشىلىك اكتيۆتەردى قايتارۋ ساياساتىنىڭ بار ەكەنىن بىلەدى, بىراق ناقتى نىسانداردىڭ وسى قارجىلاندىرۋ كوزىمەن سالىنعانىن ءاردايىم تۇسىنە بەرمەيدى.
