بۇعان دەيىن الەۋمەتتىك جەلىلەردە وقۋشىنىڭ قار ومبىلاپ وقۋعا بارا جاتقان ءساتى تۇسىرىلگەن ۆيدەو تاراعان ەدى. وندا 4 سىنىپ وقۋشىسى قار قالىڭ بولسا دا (شامامەن 1 مەترگە جۋىق), قينالىپ جۇرسە دە, مەكتەپكە قاراي تاباندىلىقپەن بارا جاتادى. پرەزيدەنت سادىر جاپاروۆ بۇل ۆيدەونى كورىپ, بالانىڭ قيىن جاعدايدا دا وقۋعا ۇمتىلعانىن جوعارى باعالادى.
ول نۇرزاماندى پرەزيدەنتتىڭ جاڭا جىلدىق مەرەكەلىك شىرشاسىنا شاقىرىپ, بۇگىن وعان جەكە ءوزى سىيلىقتار تابىستادى. سونىمەن قاتار پرەزيدەنت وقۋشىعا ءوزىنىڭ ۇيالى تەلەفونىن بەردى.
مەملەكەت باسشىسى بۇل بالانىڭ وزىنە بالالىق شاعىن ەسكە سالعانىن ايتتى: ول دا بالا كەزىندە الىستاعى كەن-سۋ اۋىلىندا قاردى كەشىپ, مەكتەپكە بارعان ەكەن.
كەزدەسۋ سوڭىندا پرەزيدەنت سادىر جاپاروۆ نۇرزامانعا ۇلكەن تابىس تىلەدى.
