رەسەي تەرگەۋ كوميتەتىنىڭ مالىمەتىنشە, 16 جەلتوقسان كۇنى تاڭەرتەڭ وقۋ ورىندارىنىڭ بىرىندە كامەلەتكە تولماعان ءجاسوسپىرىم مەكتەپ كۇزەتشىسى مەن وقۋشىلاردىڭ بىرىنە پىشاقپەن شابۋىل جاساعان. العان جاراقات سالدارىنان باستاۋىش سىنىپتا وقيتىن بالا كوز جۇمدى.
ىشكى ىستەر مينيسترلىگىنىڭ دەرەگىنە سايكەس, شابۋىل جاساعان وقۋشى الدىمەن كۇزەتشىنىڭ بەتىنە گاز باللونىن شاشىپ, كەيىن ون جاستاعى وقۋشىنى جارالاعان. كۇدىكتى ۇستالىپ, تەرگەۋ ورگاندارىنا جەتكىزىلدى.
وقيعا بويىنشا ادام ءولتىرۋ دەرەگىمەن قىلمىستىق ءىس قوزعالدى. وقيعا ورنىنا تەرگەۋشىلەر مەن كريميناليستەر جىبەرىلدى. سونىمەن قاتار پروكۋراتۋرا تەكسەرۋ جۇمىستارىن باستادى.
قاۋىپسىزدىك ماقساتىندا مەكتەپ وقۋشىلارى عيماراتقا قاراما-قارسى ورنالاسقان جاستار ۇيىنە ەۆاكۋاتسيالاندى. ماسكەۋ وبلىسىنداعى بالا قۇقىقتارى جونىندەگى ۋاكىل كسەنيا ميشونوۆا اتا-انالار مەن بالالارعا قاجەتتى پسيحولوگيالىق جانە وزگە دە كومەكتەر كورسەتىلەتىنىن مالىمدەدى.
