وسى درونداردى قولدانعالى بەرى جول قوزعالىسى ەرەجەلەرىن بۇزۋ جايتتارى, قوعامدىق ورىندارداعى ءتارتىپ بۇزۋشىلىقتاردى انىقتاۋ دەرەكتەرى بىرنەشە ەسەگە ارتتى. سونىمەن قاتار, دروندار قۇقىق بۇزۋشىنىڭ كولىگىن قاشىقتان باقىلاپ, ەكيپاج جەتكەنگە دەيىن ونىڭ قوزعالىس باعىتىن قاداعالاي الادى. مۇنداي يننوۆاتسيالىق جۇيەلەر تۇنگى باقىلاۋدى كۇشەيتىپ, پوليتسيانىڭ جەدەل ارەكەت ەتۋىنە مۇمكىندىك بەرىپ وتىر. وسىلايشا قالالىق پوليتسيا دەپارتامەنتى تۇرعىنداردىڭ قاۋىپسىزدىگىن قامتاماسىز ەتۋ ماقساتىندا زاماناۋي تەحنولوگيالاردى ءتيىمدى پايدالانا باستادى.
ماسەلەن ۋچاسكەلىك ينسپەكتورلار رەيدتىك ءىس-شارا بارىسىندا پيلوتسىز ۇشۋ اپپاراتىمەن ىشىندە ەسىرتكى زاتى بار تۇيىنشەكتەردى جاسىرىن ورىنعا قويىپ جۇرگەن ءبىر ەر ازاماتتى ۇستادى. اۋەدەن باقىلاۋ كەزىندە پاترۋلدىك كامەرا كۇدىكتىنىڭ كەزەكتى ورامانى جاسىرىپ جاتقان ءساتىن ءتۇسىرىپ العان. ءسويتىپ ءتارتىپ ساقشىلارى كۇدىكتىنى جەدەل قۇرىقتايدى.
پوليتسەيلەردىڭ ايتۋىنشا, زاماناۋي تەحنولوگيالار قۇقىق بۇزۋشىلىقتاردى جەدەل انىقتاۋعا جانە ولاردىڭ جولىن كەسۋگە زور كومەگىن تيگىزىپ جاتقان ۇقسايدى. سونىڭ ناتيجەسىندە قۇقىق قورعاۋشىلار درون كومەگىمەن ەسىرتكىنىڭ زاڭسىز اينالىمىنا قارسى كۇرەس جۇمىسىن كۇشەيتە تۇسكەن.
شىمكەنت
