فوتو: مادەنيەت جانە اقپارات مينيسترلىگى
اتالعان جوبا اياسىندا حالىقتىڭ قۇقىقتىق ساۋاتتىلىعىن ارتتىرۋ جانە تەگىن زاڭگەرلىك كومەككە قولجەتىمدىلىكتى ارتتىرۋ بويىنشا جۇمىستار جۇرگىزىلۋدە. اتاپ ايتقاندا, قازاقستاننىڭ 5 وڭىرىندە – الماتى قالاسىندا, الماتى, جامبىل, جەتىسۋ جانە اباي وبلىستارىندا تۇرعىنداردىڭ قۇقىقتىق ساۋاتتىلىق دەڭگەيىن باعالاۋ ماقساتىندا ساۋالناما جۇرگىزىلدى. زەرتتەۋ قورىتىندىسى بويىنشا كورسەتكىش 4 پايىزعا ارتقانى تىركەلدى.
سونىمەن قاتار, بارىپ كەڭەس بەرۋ جۇمىستارى ۇيىمداستىرىلدى. ناتيجەسىندە 1 000-نان استام ازامات جەكە قولداۋعا يە بولىپ, جوبا ماماندارى قۇقىقتىق جانە الەۋمەتتىك ماسەلەلەر بويىنشا 2 200-دەن استام كەڭەس بەردى.
ءبىلىم بەرۋ باعىتىنا دا ەرەكشە كوڭىل ءبولىندى. جوبانى ىسكە اسىرۋ كەزەڭىندە 3 000 تۇرعىن ءۇشىن سەمينارلار, ترەنينگتەر جانە دارىستەر ۇيىمداستىرىلدى.
