الدىن الا مالىمەتتەرگە سايكەس, 12 جەلتوقسان كۇنى «ەكىباستۇز–سولنەچنىي» اۆتوجولىنىڭ 10-شى شاقىرىمىندا تىركەمەسى بار كاماز جۇك كولىگى قارسى جولاققا شىعىپ, Great Wall اۆتوكولىگىمەن سوقتىعىسقان.
- كوكتايعاق سالدارىنان ەكى كولىك تە جول جيەگىنە شىعىپ كەتىپ اۋدارىلعان. وقيعا سالدارىنان ەكى ادام قازا تاۋىپ, تاعى ءبىر ادام جاراقات العان. پوليتسيا اتالعان دەرەك بويىنشا قىلمىستىق ءىس قوزعادى. كاماز جۇرگىزۋشىسى ۋاقىتشا ۇستاۋ يزولياتورىنا قامالدى. اۆتوكولىكتەر ارنايى ايىپتۇراققا قويىلدى, - دەپ حابارلادى وڭىرلىك پوليتسيا دەپارتامەنتىنەن.
ءتارتىپ ساقشىلارى قايعىلى وقيعانىڭ ءمان-جايى مەن سەبەپتەرى تەرگەۋ بارىسىندا انىقتالاتىنىن ايتادى.
پوليتسەيلەر جازاتايىم وقيعالاردىڭ الدىن الۋ ءۇشىن جول قوزعالىسىنا قاتىسۋشىلارىنا جىلدامدىق رەجيمىن قاتاڭ ساقتاۋدى, كولىك قۇرالىنىڭ تەحنيكالىق جاعدايىن باقىلاۋدى جانە اۋا رايى وزگەرگەندە ساق بولۋدى ەسكەرتەدى.
پاۆلودار وبلىسى
