ۇكىمەت باسشىسى دامىعان مەملەكەتتەردە كوۋچينگ قىزمەتى كاسىبي ستاندارتتار جۇيەسى ارقىلى رەتتەلەتىنىن, قاۋىمداستىقتار اتقاراتىن ءوزىن-ءوزى رەتتەيتىن كاسىبي جۇيەگە سۇيەنەتىنىن باسا ايتتى.
«ICF حالىقارالىق كوۋچينگ فەدەراتسياسىمەن بىرگە كوۋچينگ قىزمەتى (كوۋچ) كاسىبي ستاندارتى ازىرلەندى. قازىرگى تاڭدا ول عىلىم جانە جوعارى ءبىلىم مينيسترلىگىندە بەكىتىلۋ ساتىسىندا. كاسىپتىك ستاندارت 9 قىزمەتتى قامتيدى: بيزنەس-كوۋچ, مانساپتىق كوۋچ, لايف-كوۋچ, كوماندالىق كوۋچ, كوشباسشىلىق كوۋچ, دەنساۋلىق جانە ساۋىقتىرۋ كوۋچى, كاسىپكەرلەرگە ارنالعان كوۋچ, ءبىلىم بەرۋ كوۋچى, سپورتتىق دايىندىق كوۋچى. كاسىپتىك ستاندارتتىڭ نەگىزىندە ۇلتتىق بىلىكتىلىك جۇيەسىنىڭ تسيفرلىق پلاتفورماسىندا (career.enbek.kz) سەرتيفيكاتتالعان كوۋچ-جاتتىقتىرۋشىلار ءتىزىلىمى جاساقتالادى», دەلىنگەن جاۋاپتا.
ولجاس بەكتەنوۆتىڭ ايتۋىنشا, كوۋچتاردى وقىتۋدى, سەرتيفيكاتتاۋدى جانە تىزىلىمگە ەنگىزۋدى ICF حالىقارالىق كوۋچينگ فەدەراتسياسى جۇرگىزەتىن بولادى.
«تۇتىنۋشىلار قۇقىقتارىنىڭ قورعالۋىن كۇشەيتۋ جانە كوۋچتار تاراپىنان ادال مىنەز-ق ۇلىقتى قامتاماسىز ەتۋ ماقساتىندا «تۇتىنۋشىلاردىڭ قۇقىقتارىن قورعاۋ تۋرالى» زاڭعا تۇزەتۋلەر ازىرلەندى.وندا كوۋچتاردىڭ ءوزىنىڭ كاسىبي بىلىكتىلىگىن تانۋ تۋرالى سەرتيفيكاتقا يە بولۋىن, ونى تۇتىنۋشىعا تانىستىرۋدى مىندەتتەيتىن, سونداي-اق تۇتىنۋشىعا ءوزى كورسەتەتىن قىزمەتكە قاتىستى جاڭىلىستىراتىن اقپاراتتى, سونداي-اق جالعان جارنامانى تاراتۋعا تىيىم سالاتىن نورمالار ەنگىزىلدى. الاياقتىق قۇرامى بولعان جاعدايدا مۇنداي فاكتىلەر قىلمىستىق كودەكسىنىڭ 190-بابىنا سايكەس جىكتەلەدى», دەدى پرەمەر-مينيستر.
