«مەملەكەت باسشىسىنىڭ تاپسىرماسى اياسىندا مەملەكەتكە قايتارىلعان اكتيۆتەر ەسەبىنەن جىبەك جولى اۋىلدىق وكرۋگىنىڭ 5 ەلدى مەكەنى ورتالىقتاندىرىلعان اۋىز سۋمەن قامتاماسىز ەتىلدى. بۇگىن پايدالانۋعا بەرىلگەن اۋىز سۋ جۇيەسى شامامەن 16 مىڭ ابونەنتكە ساپالى سۋ جەتكىزۋگە قاۋقارلى. اۋىز سۋ قۇرىلىسىن «FS Development Group» جشس جۇرگىزدى. اۋدان تۇرعىندارىن ساپالى سۋمەن قامتاماسىز ەتۋگە باعىتتالعان مەملەكەتتىك باعدارلامالار الداعى ۋاقىتتا دا جالعاسىن تابادى», دەدى اۋىز سۋ جۇيەسىنىڭ ىسكە قوسىلۋ راسىمىنە قاتىسقان اۋدان اكىمى ارمان ابدۋللاەۆ.
ايتا كەتەيىك, سارىاعاش اۋدانىندا 54 ەلدى مەكەن ورتالىقتاندىرىلعان اۋىز سۋ جۇيەسىمەن قامتىلعان. ياعني اۋىز سۋمەن قامتۋ كورسەتكىشى – 85,7%.
