ستانتسيانى ىسكە قوسۋ راسىمىنە وبلىس اكىمى قۇمار اقساقالوۆ قاتىسىپ, جاڭا نىساننىڭ ءوڭىر ءۇشىن ماڭىزى ەرەكشە ەكەنىن اتاپ ءوتتى.
«بۇل ەلەكتر ستانتسيالارىنىڭ ىسكە قوسىلۋى ەنەرگيا رەسۋرستارى تاپشىلىعىن ايتارلىقتاي قىسقارتىپ, جاڭا ينۆەستيتسيالار تارتۋعا جانە ءىرى جوبالاردى جۇزەگە اسىرۋعا قولايلى جاعداي قالىپتاستىرادى. جاسىل ەنەرگەتيكا – جاڭعىرۋدىڭ, يننوۆاتسيالاردىڭ جانە ءوڭىر بولاشاعىنا دەگەن جاۋاپكەرشىلىكتىڭ نىشانىنا اينالىپ كەلەدى», دەدى وبلىس اكىمى.
جاڭا كۇن ەلەكتر ستانتسياسى زاماناۋي جوعارى ءتيىمدى كۇن پانەلدەرىمەن جابدىقتالعان جانە قوستاناي وبلىسىنداعى العاشقى نىسان. ءوڭىر ەكونوميكاسى ءۇشىن ماڭىزى زور نىسان قۇرىلىسىنا 7,2 ملرد تەڭگە ينۆەستيتسيا سالىنعان. ناتيجەسىندە 16 تۇراقتى جۇمىس ورنى اشىلىپ وتىر.
كۇن ەنەرگياسىن يگەرۋ ەلەكتر قۋاتىنا جۇمسالاتىن شىعىنداردى ەداۋىر ازايتادى. سونىمەن قاتار «تازا» ەنەرگيا ءوندىرۋ ءداستۇرلى ەنەرگيا جۇيەسىنە تۇسەتىن جۇكتەمەنى تومەندەتىپ, كومىرقىشقىل گازىنىڭ شىعارىلۋىن ازايتادى.
«Solidcore Resources» كومپانياسىنىڭ باس اتقارۋشى ديرەكتورى ۆيتالي نەسيس جوبانىڭ كومپانيا ستراتەگياسىنداعى ورنىن اتاپ ءوتتى:
ء«بىز ءوندىرىسىمىزدىڭ قورشاعان ورتاعا اسەرىن بارىنشا ازايتىپ, ونىڭ ەنەرگيا تيىمدىلىگىن ارتتىرۋعا ۇمتىلامىز. جاڭا كۇن ەلەكتر ستانتسياسى بىزگە وسى مۇمكىندىكتى بەرىپ وتىر. بۇل نىسان – قوستاناي وبلىسىن دامىتۋعا قوسقان ۇلەسىمىز جانە جاۋاپتى ءارى يننوۆاتسيالىق ءوندىرىستىڭ ايقىن مىسالى», دەدى ول.
جوبا اياسىندا جالپى اۋدانى 98 000 م² بولاتىن 36 مىڭنان استام كۇن پانەلى ورناتىلدى. كۇن ستانتسياسىنىڭ جىلدىق ءوندىرىسى شامامەن 28,5 ملن كۆت/ساعاتتى قۇرايدى.
