باسىلىمنىڭ جازۋىنشا, توتەنشە جاعداي 12 جەلتوقسان كۇنى كۇندىز تسيولكوۆسكي كوشەسىندەگى 1-ۇيدە بولعان. ءورت كوپقاباتتى ءۇيدىڭ ءۇشىنشى قاباتىنداعى پاتەردەن باستالعان. كۋاگەرلەر وقيعا ءساتىن ۆيدەوعا ءتۇسىرىپ العان.
ۆيدەودان ءورت سوندىرۋشىلەر ىشتەگى تۇرعىنداردى ساتى ارقىلى بالكوننان قۇتقارۋ كەزىندە جارىلىس بولىپ, بالكوننىڭ وپىرىلىپ تۇسكەنىن بايقاۋعا بولادى.
باتىس قازاقستان وبلىسىنىڭ توتەنشە جاعدايلار دەپارتامەنتى حابارلاعانداي, 112 پۋلتىنە ءۇشىنشى قاباتتاعى پاتەردىڭ بالكون تەرەزەسىنەن قويۋ ءتۇتىن شىققانى تۋرالى حابارلاما تۇسكەن. وقيعا ورنىنا كەلگەن ءورت سوندىرۋشىلەر جيھاز بەن جەكە زاتتاردىڭ جانۋىن انىقتاعان.
ءورتتى ءسوندىرۋ كەزىندە گاز-اۋا قوسپاسى جارىلعان. قاۋىپتى جاعدايعا قاراماستان, قۇتقارۋشىلار تۇرعىنداردى دەر كەزىندە ەۆاكۋاتسيالاپ ۇلگەرگەن, سونىڭ ارقاسىندا اۋىر زارداپ بولماعان.
كورشىلەردىڭ ايتۋىنشا, ورتەنگەن پاتەردە ەشكىم تۇرماعان. ءورت شامامەن 10 شارشى مەتر اۋماقتا سوندىرىلگەن. قازىرگى ۋاقىتتا ءورتتىڭ شىعۋ سەبەبى انىقتالىپ جاتىر.
ءورتتى سوندىرۋگە تجد-نىڭ 23 قىزمەتكەرى مەن التى تەحنيكا قاتىسقان.
