سۋرەتتى تۇسىرگەن – ەرلان ومار, «EQ»
باسقوسۋعا پرەزيدەنت اكىمشىلىگى قۇرىلىمدىق بولىمشەلەرىنىڭ باسشىلارى, ورتالىق مەملەكەتتىك ورگانداردىڭ وكىلدەرى, سونداي-اق جامبىل, تۇركىستان وبلىستارىنىڭ اكىمدەرى قاتىستى.
جيىندا وڭىرلەردەگى ەتنوسارالىق تۇراقتىلىقتى قامتاماسىز ەتۋگە باعىتتالعان جۇمىستار تۋرالى باياندالدى.
سونداي-اق ازاماتتىق قوعام ينستيتۋتتارىمەن ءوزارا ءىس-قيمىل, مەملەكەتتىك اقپاراتتىق ساياساتتى جۇزەگە اسىرۋ, قازاقستان حالقى اسسامبلەياسىنىڭ جۇمىس تاسىلدەرىن ودان ءارى جەتىلدىرۋ ماسەلەلەرى قارالدى.
«بيىلعى قاراشادا مەملەكەت باسشىسى يدەولوگيالىق جۇمىستىڭ نەگىزىن ايقىندايتىن «قازاقستان رەسپۋبليكاسى ىشكى ساياساتىنىڭ نەگىزگى قاعيداتتارى, قۇندىلىقتارى مەن باعىتتارى» اتتى تۇجىرىمدامالىق قۇجاتتى بەكىتتى. ەتنوسارالىق قاتىناس سالاسى قۇجاتتاعى باسىم باعىتتىڭ ءبىرى رەتىندە قامتىلعان. بۇل اتالعان سالانىڭ مەملەكەت ءۇشىن قانشالىقتى ماڭىزدى ەكەنىن كورسەتەدى», دەدى مەملەكەتتىك كەڭەسشى.
ەرلان قارين مەملەكەتتىك ورگاندارعا ەتنوسارالىق قاتىناستار سالاسىنداعى الداعى 2026 جىلعا ارنالعان باسىم باعىتتار جونىندە ناقتى تاپسىرمالار بەردى.
