بۇل – ون بەس جىلدىق تاريحى بار ونەر وشاعىنىڭ شىعارماشىلىق ەڭبەگىنىڭ ناتيجەسى.
«مۇنى ۇجىم ەڭبەگىنىڭ باعالانعانى دەپ بىلەمىز. ءبىر جاعىنان, جاستارعا تىڭ سەرپىن بەرەدى. شىعارماشىلىققا جاڭا جول اشادى. ەڭ باستىسى, تەاترىمىزدىڭ كاسىبي دەڭگەيى مەملەكەت تاراپىنان مويىندالىپ وتىر. ەندى ونەر ورداسىنىڭ رەسپۋبليكالىق دەڭگەيدە تانىمالدىلىعى ارتادى دەپ سەنەمىز», دەيدى تەاتر رەجيسسەرى باعدات ءاشىم.
تەاتر اتاۋى «شاڭىراق» دەپ بەكەر قويىلماعان. ەۋرازيا ۇلتتىق ۋنيۆەرسيتەتى الەۋمەتتىك جانە ازاماتتىق دامۋ دەپارتامەنتىنىڭ ديرەكتورى جامبىل تىلەپتىڭ ايتۋىنا قاراعاندا, «شاڭىراق» – قازاق ءۇشىن قاستەرلى ۇعىم. ونەرگە قۇشتار جاستار وسى شاڭىراقتىڭ ۋىعىنداي بىرىگىپ, ۇلتتىق قۇندىلىقتاردى دارىپتەۋدى ماقسات ەتكەن.
ونەر ۇجىمىنىڭ رەپەرتۋارىندا وتاندىق دراماتۋرگتەرمەن بىرگە, شەتەل اۆتورلارىنىڭ دا شىعارمالارى بار. ماسەلەن, س.ءجۇنىسوۆتىڭ «جارالى گۇلدەر», م.بايجيەۆتىڭ ء«تىل تابىسقاندار», ءا.ورازبەكوۆتىڭ ء«بىر ءتۇپ الما اعاشى», م.لادونىڭ «بولماعان وقيعا», م.شاحانوۆتىڭ «تاناكوز», ج.جۇماتتىڭ «مۇڭمەن الىسقان ادام» (اعىلشىن تىلىندە), ق.ءجۇنىسوۆتىڭ «عاشىقتار حيكاياسى» سەكىلدى قويىلىمدار كورەرمەن ىقىلاسىنا بولەنگەن.
سونداي-اق تەاتر قالالىق, رەسپۋبليكالىق, حالىقارالىق فەستيۆالدارعا قاتىسىپ, بىرقاتار جۇلدەلى ورىندارعا قول جەتكىزگەن. ايتالىق, سەمەيدە وتكەن رەسپۋبليكالىق ستۋدەنتتىك تەاتر فەستيۆالىندە ءىى ورىن يەلەنسە, ازەربايجاندا وتكەن «كاسپيسكي بريز» ءىىى حالىقارالىق تاۋەلسىز تەاترلار بايقاۋىندا باس جۇلدەنى جەڭىپ العان.
