وسى كامپانيا اياسىندا استانادا NazymPR كوممۋنيكاتسيالىق بۋتيك-اگەنتتىگىنىڭ نەگىزىن قالاۋشى, قر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ مۇشەسى نازىم جاڭعازينوۆانىڭ, سونداي-اق جەكە كاسىپكەرلەردىڭ قولداۋىمەن «قورعاۋ» داعدارىس ورتالىعىندا قايىرىمدىلىق ءىس-شاراسى ءوتتى. بۇل ورتالىقتا تۇرمىستىق زورلىق-زومبىلىققا تاپ بولعان ايەلدەر مەن بالالارعا كومەك كورسەتىلەدى.
داعدارىس ورتالىعىنا ەلەكترلى پليتا, مۇزداتقىش, قامىر يلەگىشتەر, بلەندەرلەر, سونداي-اق بالالار ويىنشىقتارى, نارەستە تاعامى جانە وزگە دە قاجەتتى تاۋارلار ساتىپ الىندى.
ايەلدەر ءۇشىن نان-توقاش ونىمدەرىن ازىرلەۋ بويىنشا شەبەرلىك ساعاتى ۇيىمداستىرىلدى, ولار كاسىبي كوسمەتولوگتان كەڭەس پەن كۇتىم الدى.
«بۇل جەرگە ءتۇرلى ايەلدەر كەلەدى, ولاردىڭ قاتارىندا كوپبالالى, ەرەكشە قاجەتتىلىكتەرى بار بالالاردى تاربيەلەپ وتىرعان انالار بار. كەز كەلگەن ايەل ءۇشىن مۇنداي داعدارىس جاعدايىنا تاپ بولۋ وتە قيىن, ولار ابدىراپ, نە ىستەۋ كەرەكتىگىن بىلمەي قالادى. ءبىز ولارعا: „سىزدەر جالعىز ەمەسسىزدەر, قاستارىڭىزدامىز“, دەگەندى جەتكىزگىمىز كەلدى», دەدى نازىم جاڭعازينوۆا.
ءىس-شاراعا ءماجىلىس دەپۋتاتتارى ماكسيم روجين, بولات كەرىمبەك, ەكاتەرينا سمولياكوۆا, سامات نۇرتازا, سونداي-اق قوعامدىق ۇيىمدار مەن جۋرناليستەر قاتىستى.
ماجىلىسمەندەر «قورعاۋ» ورتالىعىنداعى ايەلدەرمەن سويلەسىپ, ولاردىڭ وزەكتى ماسەلەلەرىن تالقىلادى. كوتەرىلگەن تاقىرىپتار قاتارىندا اجىراسۋ كەزىندە م ۇلىكتى ءبولۋ, جۇبايىنىڭ ازاماتتىعىنىڭ بولماۋى, انالاردىڭ بالالارىمەن بولەك تۇرۋى, سەرىكتەستىڭ ەموتسيالىق قىسىمى سىندى پروبلەمالار بار. سونىمەن قاتار ەر ادامدارعا ارنالعان پسيحولوگيالىق كومەك ورتالىقتارىن اشۋ قاجەتتىلىگى تۋرالى ۇسىنىس ايتىلدى.
دەپۋتاتتار ورتالىقتىڭ قىزمەت الۋشىلارى مەن وكىلدەرىن تىڭداپ, الەۋمەتتىك جانە قۇقىقتىق ماسەلەلەردى شەشۋگە باعىتتالعان باستامالاردى قولداۋعا دايىن ەكەندەرىن ءبىلدىردى. ولاردىڭ قاتىسۋى بۇل تاقىرىپتىڭ ماڭىزدىلىعىن جانە تۇرمىستىق زورلىق-زومبىلىققا ءبارىمىز جاۋاپتى ەكەنىمىزدى ەسكە سالدى. ۇسىنىستاردىڭ ءبىرى - وڭىرلىك ايەلدەر قاۋىمداستىقتارىن داعدارىس ورتالىقتارىنا جەتەكشىلىك ەتۋگە تارتۋ.
«مۇنداي ورتالىقتار وتە ماڭىزدى, بىراق ولارعا جۇگىنۋگە سەبەپ بولاتىن جاعدايلار ازايسا ەكەن دەيمىز. جەكە سەكتور مۇنداي باستامالاردى بەلسەندىرەك قولداسا, بۇل كومەك جۇيەسىنىڭ تۇتاستاي كۇشەيۋىنە ىقپال ەتەدى», دەپ اتاپ ءوتتى ءماجىلىس دەپۋتاتى ەكاتەرينا سمولياكوۆا.
«قورعاۋ» ورتالىعىندا ايەلدەر پسيحولوگتىڭ, زاڭگەردىڭ, الەۋمەتتىك قىزمەتكەردىڭ كومەگىن الا الادى جانە قاجەت بولعان جاعدايدا 6 ايعا دەيىن قاۋىپسىز جەردە ۋاقىتشا تۇرۋعا مۇمكىندىك بار.
قورعاۋ» ورتالىعىنىڭ جەدەل جەلى ءنومىرى: +7 (702-89) 2-97-77
