دەپارتامەنت باسشىسى ءالىبي تۇرىسباەۆتىڭ مالىمدەۋىنشە, اتقارىلعان جۇمىستاردىڭ ناتيجەلەرى بويىنشا جالپى سوماسى 55 ملن تەڭگە كولەمىندە اكىمشىلىك ايىپپۇل سالىنعان.
«بيىل جىل باسىنان باستاپ دەپارتامەنت تاراپىنان ەلىمىزدىڭ باسەكەلەستىكتى قورعاۋ سالاسىنداعى زاڭناماسىن بۇزۋ دەرەكتەرى بويىنشا 4 تەرگەۋ جۇرگىزىلدى. دەپارتامەنت قىزمەتكەرلەرى جۇرگىزگەن تەكسەرىستەر ناتيجەسىندە 80 اكىمشىلىك حاتتاما تولتىردى», دەدى ءا.تۇرىسباەۆ.
سونداي-اق كەنتاۋ قالاسىنداعى «كەنتاۋ-سەرۆيس» كمم-عا جۇرگىزىلگەن تەكسەرۋ بارىسىندا 1 تەكشە مەتر جىلىتۋ الاڭى ءۇشىن باعانى 33 تەڭگەدەن 125 تەڭگەگە دەيىن نەگىزسىز كوتەرگەنى انىقتالعان. اتالعان جايت بويىنشا كاسىپورىنعا جالپى سوماسى 34 ملن تەڭگەدەن اساتىن اكىمشىلىك حاتتاما تولتىرىلىپ, قۇقىق بۇزۋشىلىقتى جويۋ جونىندە نۇسقاما شىعارىلدى. وسى ءىس بويىنشا دەپارتامەنتتىڭ پايداسىنا سوت شەشىمى شىعارىلعان.
