فوتو: uralskcity.kz
«قازىعۇرت اۋداندىق ورتالىق اۋرۋحاناسى» (مكك) بۇرىنعى باس دارىگەرى مەديتسينالىق گازبەن جابدىقتاۋ جۇيەسىنە ارنالعان قۇرىلعىلاردى ساتىپ الۋ كەزىندە ولاردى جاساندى تۇردە بىرنەشە بولىككە ءبولىپ, كەيىن كوپتەگەن كەلىسىمشارتتار جاساۋ ارقىلى ساتىپ الۋدى ۇيىمداستىرعان.
سحەمانى جۇزەگە اسىرۋ ءۇشىن ول مەديتسينالىق بۇيىمداردى جەتكىزۋ سالاسىندا تاجىريبەسى بار تانىسىن تارتقان. ول وزىنە باعىنىستى, تۋىستارى مەن تانىستارىنىڭ اتىنا تىركەلگەن كوممەرتسيالىق ۇيىمداردى پايدالانعان. وسى كومپانيالاردىڭ اتىنان ادەيى اسىرا كورسەتىلگەن كوممەرتسيالىق ۇسىنىستار دايىندالعان.
سونىمەن قاتار جابدىقتى ءىس جۇزىندە باسقا كومپانيا جەتكىزگەنىمەن, قابىلداۋ اكتىلەرى مەن كەلىسىمشارتتار باقىلاۋىنداعى فيرمالار ارقىلى راسىمدەلگەن.
اۋرۋحانادان اتالعان كومپانيالاردىڭ ەسەپشوتتارىنا قارجى تۇسكەننەن كەيىن كۇدىكتىلەر قاراجاتتى قولما-قول اقشالاي الىپ, ءوزارا بولىسكەن.
مەملەكەتكە كەلتىرىلگەن جالپى شىعىن 115 ملن تەڭگەنى قۇرادى.
قىلمىستىق جولمەن الىنعان تابىسقا كۇدىكتى ەلوردادان 2 بولمەلى پاتەر ساتىپ العان, سوت سانكتسياسىمەن بۇل م ۇلىككە تىيىم سالىندى.
بۇرىنعى باس دارىگەرگە قاتىستى بۇلتارتپاۋ شاراسى رەتىندە كەپىل قولدانىلدى, ال ونىڭ سىبايلاسى ءۇي قاماقتا وتىر.
قىلمىستىق-پروتسەسسۋالدىق كودەكستىڭ 201-بابى بويىنشا وزگە اقپارات جاريالانبايدى.
