فوتو: e-history.kz
ءىس-شارانى ۇيىمداستىرۋشىلار كورمەنىڭ باستى ماقساتى ۇلتتىق زەرگەرلىك ونەرگە دەگەن قىزىعۋشىلىق پەن قۇرمەتتى ارتتىرۋ, زەرگەر ماماندىعىنىڭ بەدەلىن كوتەرۋ, مادەني داستۇرلەردى ساقتاۋداعى شەبەرلەر ەڭبەگىنىڭ ماڭىزىن ايقىنداۋ, سونداي-اق بۇل ونەردىڭ جوعارى قۇندىلىعى مەن ءمانىن كوپشىلىككە كورسەتۋ بولعانىن تىلگە تيەك ەتتى.
ال, زەرگەر بەرىك ءالىباي بولسا, ەلىمىزدە زەرگەرلىك ونەردىڭ تاۋەلسىزدىك العاننان كەيىن قارىشتاپ دامي باستاعانىن ايتتى.
ء«بىزدى زەرگەرلىك سالاداعى تاۋەلسىزدىكتىڭ العاشقى قارلىعاشتارى دەپ اتاۋعا بولادى. ءتىپتى, دۇنيەجۇزى بويىنشا زەرگەرلىك بۇيىمدار جاساۋدان الدا كەلەمىز. قانداي ونەر سايىستارىنا بارساق تا, جۇلدەمەن ورالاتىنىمىز سوندىقتان», دەدى زەرگەر ءوز سوزىندە.
جەلتوقسان ايىنىڭ سوڭىنا دەيىن جالعاسىن تاباتىن كورمەگە نەگىزىنەن ب. ءالىبايدىڭ قولىنان شىققان اشەكەيلەر, كيىم ەلەمەنتتەرى, تۇرمىستىق بۇيىمدار, كوركەم تۋىندىلار, سونداي-اق اۆتور بىرنەشە ونجىلدىق بويى جيناعان زەرگەرلىك بۇيىمداردىڭ بىرەگەي ۇلگىلەرى قويىلدى.
ءاربىر ەكسپونات حالىق تاريحى, ۇرپاقتار ساباقتاستىعىنىڭ كۋاسى. ەكسپوزيتسيا ارقىلى كورەرمەن كۇمىستىڭ ەرەكشە قۋاتى مەن تازالىعىن, سونداي-اق ونىڭ ۇلتتىق مادەنيەتتەگى ماڭىزدى ورنىن سەزىنە الادى. اۆتوردىڭ زەرگەرلىك بۇيىمدارى مەن كوركەم تۋىندىلارى ءداستۇرلى قازاق ناقىشتارى مەن زاماناۋي ديزاينەرلىك شەشىمدەردىڭ ۇيلەسىمىن تاپقان وزىندىك ەرەكشە ستيلىمەن ەرەكشەلەنەدى.
سونداي-اق, سۋرەتشىنىڭ ەڭبەكتەرى قىتاي, جاپونيا, يران, ساۋد ارابياسى, كاتار, تۇركيا, گەرمانيا, انگليا, يسپانيا, ومان سۇلتاندىعى, يوردانيا, تمد ەلدەرى جانە باسقا دا مەملەكەتتەردىڭ مۇراجايلارى مەن جەكە كوللەكتسيالارىندا ساقتاۋلى.
