فوتو: اشىق دەرەككوز
كومەك كىمدەرگە باعىتتالعان؟
تۇرعىن ءۇي كومەگى نەگىزىنەن مىنا ازاماتتارعا بەرىلەدى:
- جالعىز تۇراتىن جانە تۇراقتى تىركەلگەن ازاماتتار;
- مەملەكەتتىك تۇرعىن ءۇي قورىنان جالعا پاتەر العاندار;
- جەرگىلىكتى اتقارۋشى ورگاندار بەرگەن جەكە سەكتورداعى پاتەردى جالداپ تۇراتىندار.
وتىنىشتەردى ەلەكتروندى ۇكىمەت پورتالى ارقىلى ونلاين نەمەسە «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ بولىمشەلەرى ارقىلى وفلاين جولداۋعا بولادى.
Ranking.kz دەرەكتەرىنە سۇيەنسەك, ەلىمىز وتكەن جىلىتۋ ماۋسىمىن اپاتسىز وتكىزىپ, ءساتتى اياقتادى. ينفراقۇرىلىم بىرتىندەپ تۇراقتانىپ كەلەدى. جاڭا تاريفتىك ساياساتتى جۇزەگە اسىرۋ ەلدىڭ ەكونوميكاسىن دامىتۋعا جول بەرىپ, ەكىباستۇز بەن ريددەردە بولعان جاعدايلاردىڭ قايتالانۋىنا مۇمكىندىك بەرمەدى. اتاۋلى وتەماقى مەحانيزمى الەۋمەتتىك قورعاۋ مەن ينفراقۇرىلىمعا ينۆەستيتسيا سالۋ اراسىنداعى تەپە-تەڭدىكتى قامتاماسىز ەتە وتىرىپ, از قامتىلعان وتباسىلارعا جۇكتەمەنى جەڭىلدەتەدى.
2025 جىلدان باستاپ ەسەپتەۋ ءتارتىبى قالاي وزگەردى؟
2025 جىلدىڭ تامىز ايىنان باستاپ تۇرعىن ءۇي كومەگىن ەسەپتەۋ جاڭا تاسىلمەن جۇرگىزىلەدى. ەندى كومەك مولشەرى قىزمەت كورسەتۋشىنىڭ بەلگىلەنگەن نورمالارىنا سايكەس انىقتالادى:
- گازبەن جابدىقتاۋ – ءبىر ادامعا 15 تەكشە مەتردەن اسپايدى;
- ەلەكتر ەنەرگياسى – وڭىرلىك ۋاكىلەتتى ورگان بەلگىلەگەن نورمالارعا سايكەس;
- سۋمەن جابدىقتاۋ: سۋىق سۋ – 4 تەكشە مەتر, ىستىق سۋ – 2 تەكشە مەتر;
- جىلۋمەن قامتاماسىز ەتۋ – ءبىر ادامعا 0,025 گكال;
- قوقىس شىعارۋ – ءبىر ادامعا 650 تەڭگەدەن اسپايدى;
- ليفت قىزمەتى – ءبىر پاتەرگە 1300 تەڭگەدەن اسپايدى;
- بايلانىس قىزمەتتەرى – تەلەفون ابونەنتتىك تولەمى 1399 تەڭگەدەن اسپايدى;
- كوندومينيۋمدى كۇتىپ ۇستاۋ جانە كۇردەلى جوندەۋ – شارشى مەترگە 60 تەڭگە;
- مەملەكەتتىك تۇرعىن ءۇي قورىنان جالداۋ اقىسى – شارشى مەترگە 120 تەڭگە.
- ءبىر ادامعا ارنالعان نورمانىڭ الاڭى 18 م², ال جالعىز تۇراتىن ازاماتتار ءۇشىن بۇل كورسەتكىش 30 م²-تان اسپاۋى كەرەك.
ەڭبەك جانە حالىقتى الەۋمەتتىك قورعاۋ مينيسترلىگىنىڭ دەرەكتەرىنە سۇيەنسەك, 2025 جىلدىڭ 1 قازانىنداعى جاعداي بويىنشا تۇرعىن ءۇي كومەگى 9,6 مىڭ وتباسىعا تاعايىندالعان. جالپى سوماسى 453,4 ملن تەڭگەنى قۇرادى. ءبىر وتباسىعا ءبىر توقسانداعى تولەمنىڭ ورتاشا مولشەرى – 4,6 مىڭ تەڭگە. ەڭ كوپ تولەم قوستاناي (60,4 ملن تەڭگە), جامبىل (55,1 ملن تەڭگە) جانە قىزىلوردا (54,3 ملن تەڭگە) وبلىستارىنا تيەسىلى. ال تولەم العان وتباسى مۇشەلەرىنىڭ ەڭ كوپ سانى قوستاناي, قاراعاندى جانە جامبىل وبلىستارىندا بايقالدى. ورتاشا تولەمنىڭ ەڭ جوعارى مولشەرى تۇركىستان وبلىسىندا – 7,9 مىڭ تەڭگە, شىمكەنتتە – 7,3 مىڭ تەڭگە, قىزىلوردادا – 6,9 مىڭ تەڭگە.
ەلىمىزدە تۇرعىن ءۇي كەزەگىن جەدەلدەتۋ ماقساتىندا جاڭا ەرەجە ەنگىزىلدى
وتكەن جىلى تۇرعىن ءۇي كومەگىنىڭ جالپى سوماسى 592,1 ملن تەڭگە بولدى. بۇل تولەمدى 17,55 مىڭ وتباسى مۇشەسى الدى. ءبىر جىل ىشىندە تولەنگەن كومەك 42,7%-عا قىسقارسا, الۋشىلاردىڭ سانى 64,3%-عا تومەندەگەن.
ەڭ كوپ تولەم بولىنگەن وڭىرلەر:
- قىزىلوردا – 113 ملن تەڭگە;
- جامبىل – 89,8 ملن تەڭگە;
- قوستاناي – 61,3 ملن تەڭگە.
تولەم الۋشىلار سانى ەڭ كوپ وڭىرلەر:
- قاراعاندى – 2,81 مىڭ ادام;
- جامبىل – 2,69 مىڭ ادام;
- قوستاناي – 2,18 مىڭ ادام.
تۇرعىن ءۇي كومەگى ەڭ الدىمەن از قامتىلعان وتباسىلارعا باعىتتالعان. ال زەينەتكەرلەر, مۇگەدەكتىگى بار ازاماتتار, كوپبالالى نەمەسە باسقا ساناتتاعى مۇقتاج ادامدار تەڭ دارەجەدە قولداۋ الادى. بۇل جۇيە تۇرعىنداردى كوممۋنالدىق قىزمەت تاريفتەرىنىڭ كۇرت وسۋىنەن قورعاي وتىرىپ, الەۋمەتتىك تەڭدىك پەن تۇرمىستىق جاعدايدى ساقتاۋعا مۇمكىندىك بەرەدى.
