فوتو: ۇكىمەت
ايماقتىڭ جامبىل اۋدانى اۋماعىنداعى قىزىلشارىق, جاڭاوتكەل, جۇما اۋىلدارىندا جۇمىستار اياقتالدى. تالاس اۋدانىنا قاراستى قاراوي اۋىلىندا سۋ قۇبىرى ىسكە قوسىلدى. بۇرىن ول جەردە ورتالىقتاندىرىلعان سۋمەن جابدىقتاۋ بولماعان. جوبانىڭ جالپى قۇنى 933,4 ملن تەڭگەنى قۇرادى, ونىڭ 106,7 ملن تەڭگەسى تىكەلەي ارناۋلى مەملەكەتتىك قوردان ءبولىندى.
ال وسى جىلدىڭ سوڭىنا دەيىن تاپسىرۋ جوسپارلانعان 8 نىسان وبلىستىڭ شالعاي اۋداندارىنداعى جوبالار. مويىنقۇم اۋدانىندا شىعاناق, مىڭارال, قۇموزەك ستانسالارىندا, سونداي-اق مويىنقۇم, بينازار, بىرلىك اۋىلدارىندا جەلىلەر رەكونسترۋكتسيالانىپ, سارىسۋ اۋدانىندا سۋ قۇبىرىن رەكونسترۋكتسيالاۋ جايىلما, ماياتاس اۋىلدارىن قامتيدى, ال قورداي اۋدانىندا قاراساي باتىر اۋىلىندا جەلىلەر قۇرىلىسى ءجۇرىپ جاتىر.
ۇكىمەتتىڭ ءباسپاسوز قىزمەتىنىڭ مالىمدەۋىنشە, پرەزيدەنت تاپسىرماسىنا سايكەس وبلىستا حالىقتى 100% اۋىز سۋمەن قامتۋ مىندەتى جۇزەگە اسىرىلىپ جاتىر. 2025 جىلدىڭ 10 ايىنىڭ قورىتىندىسى بويىنشا ءوڭىر قالالارىندا قامتاماسىز ەتۋ – 98%-دى, اۋىلدىق ەلدى مەكەندەردە – 99,3%-دى قۇرايدى. وبلىستا بارلىعى 23 سۋمەن جابدىقتاۋ جوباسى جۇزەگە اسىرىلىپ جاتىر, ونىڭ 13-ءى پايدالانۋعا بەرىلدى.
