فوتو: اشىق دەرەككوز
2023 جىلى بۇل كورسەتكىش 27,1% بولسا, 2025 جىلدىڭ ون ايىندا 13,2%-عا دەيىن تومەندەدى. بۇل تۋرالى قارجى نارىعىن رەتتەۋ جانە دامىتۋ اگەنتتىگىنىڭ توراعاسى ءمادينا ابىلقاسىموۆا «قارىزسىز قوعام» جوباسىن تالقىلاۋ بارىسىندا مالىمدەدى.
اگەنتتىك بۇل ناتيجەگە رەتتەۋشىنىڭ بىرقاتار قاتاڭ شارانىڭ ارقاسىندا قول جەتكىزىلگەنىن اتاپ ءوتتى. ولاردىڭ قاتارىندا:
- كوللەكتورلارعا پروبلەمالىق نەسيەلەردى ساتۋعا موراتوري (2026 جىلعى 1 مامىرعا دەيىن);
- بانكتەردە 30 كۇننەن, ميكروقارجى ۇيىمدارىندا 1 كۇننەن استام مەرزىمى وتكەن بەرەشەگى بار ازاماتتارعا جاڭا كرەديت بەرۋگە تىيىم سالۋ;
- كەپىلسىز كرەديتتەردىڭ ەڭ ۇزاق مەرزىمىن 5 جىلمەن شەكتەۋ.
«قابىلدانعان شارالار بانكتەر تاراپىنان كەپىلسىز تۇتىنۋشىلىق كرەديتتەۋدىڭ ءوسۋىن 2023 جىلعى 27,1% جانە 2024 جىلعى 29,3% دەڭگەيىنەن 2025 جىلدىڭ 10 ايىندا 13,2%-عا دەيىن باسەڭدەتۋگە مۇمكىندىك بەردى», دەدى ءمادينا ابىلقاسىموۆا.
جوبا اياسىندا قارىزىن وتەي الماي جۇرگەن ازاماتتارعا قولداۋ شارالارى ىسكە اسىرىلۋدا. بۇگىندە 703 مىڭ قارىز الۋشىنىڭ جالپى سوماسى 754 ملرد تەڭگە بەرەشەگى رەتتەلدى.
